Qubadlıda yeni qərargah bina­sı istifadəyə verildi - Publika.az
Bizi izləyin

Hadisə

Qubadlıda yeni qərargah bina­sı istifadəyə verildi - FOTO

Yanvarın 18-də Dövlət Sərhəd Xidmətinin (DSX) Sərhəd Qoşunlarının “Qubadlı” əlahiddə sərhəd diviziyasının yeni qərargah bina­sı istifadəyə verilib.

Bu barədə Publika.az -a DSX-nin Mətbuat Mərkəzindən məlumat verilib.

Bildirilib ki, bununla əlaqədar təşkil olunmuş mərasimdə yeni qərargah binasının açılışa hazır olması barədə DSX rəisinin müavini - Sərhəd Qoşunlarının Komandanı general-leytenant Araz Məmmədov Xidmətin rəisinə məruzə etmişdir. General-polkovnik Elçin Quliyev əlamətdar tədbir münasibətilə şəxsi heyəti təbrik etmişdir.

Tədbirdə çıxış edənlər Azərbaycan Respublika­sının Prezidenti Silahlı Qüv­və­lərin Müzəffər Ali Baş Komandanı cənab İlham Əli­yevin tapşırığına uyğun olaraqazad edilmiş ərazilərimizdə zəruri sərhəd müdafiə və mühafizə infrastrukturunun yaradılmasını, hərbi qulluqçu­ların xidməti şəraitinin və sosial təminatının yaxşılaş­dırılması üzrə ardıcıl tədbir­lərin həyata keçiril­diyini qeyd etmiş, ötən il ərzində Cəbrayıl, Zəngilan, Qubadlı və Laçın rayon­larının ərazisində 19 yeni hərbi hissənin, 100-dən artıq sərhəd-döyüş məntəqəsinin xidməti-döyüş fəaliyyətinə başla­masını bildirmişlər.

Azərbaycan Respublikasının Prezidenti Silahlı Qüvvələrin Mü­zəffər Ali Baş Komandanı cənab İlham Əliyevin ötən il ərzində işğaldan azad edilmiş ərazilərdə Dövlət Sərhəd Xidmətinin 4 yeni hərbi hissəsinə gəlişinin sərhəd mühafizəsi məsələ­lərinə göstərilən ali etimadın və dövləti qayğının növbəti ifadəsi olduğu, sərhədçiləri xidməti uğurlara ruhlandırdığı xüsusi vurğu­lan­mışdır.

Vətən müharibəsində döyüş tapşırıqlarını uğur­la icra edərək qəhrəmanlıq sal­namələri yazmış sərhədçilərin bu gün də düşmən tapda­ğından azad olunmuş müqəd­dəs sərhədlərimzin toxunulmazlığının təmin edil­məsi vəzifəsini şərəflə yerinə yetirdikləri qeyd olunmuşdur.

Açılış mərasiminin rəmzi lenti kəsildikdən sonra qərargah binasında yaradılmış şəraitə baxış keçirilmişdir. Burada şəxsi heyətin yüksək səviyyədə xidmət aparmaları üçün lazımi şəraitlə təmin edilmiş iş otaqları, konfrans zalı, növbətçi otaq mövcuddur. Bina daimi su və elektrik enerjisi, istilik sistemi ilə təchiz olunmuşdur. Ərazidə abadlıq iş­ləri aparılmış, asfalt örtüyü salınmış, ağaclar əkilmişdir.

İnzibati binanın qarşısında ucaldılmış Dövlət Sərhəd Xidmətinin Vətən Müha­ribəsində həlak olmuş hərbi qulluqçularının xatirəsinə həsr olunmuş abidə qarşısına güllər düzülmüşdür.

Tədbir çərçivəsində Dövlət Sərhəd Xidmətinin sıralarında Vətən müharibəsində iştirak edərək şücaət göstə­rmiş, hərbi xidmətlərini layiqincə başa vuraraq Azərbaycan Res­publikasının Silahlı Qüvvələrinin ehtiyatına buraxılan müddətli həqiqi hərbi xidmət hərbi qul­luq­çularının Azərbay­can Res­pub­likasının Prezidenti Silahlı Qüvvələrin Ali Baş Ko­mandanı cənab İlham Əliyev tərəfindən Füzuli, Cəbrayıl, Zəngilan və Qubadlı rayon­larının azad olunmasında fərqləndiklərinə görə təltif edil­miş medalları təqdim olunmuşdur.

Tərxis edilən hərbi qulluqçuların təntənəli yola salınması təşkil edilmiş, onlarla xati­rə fotoşəkilləri çəkilmiş və şəxsi heyət DSX-nin hərbi orkestrinin ifasında “Cəngi” mu­si­qisinin sədaları altında xüsusi ayrılmış avtobuslarla yaşadıqları bölgələrə yola salın­­mışlar.

  • Qubadlıda yeni qərargah bina­sı istifadəyə verildi - FOTO

  • Qubadlıda yeni qərargah bina­sı istifadəyə verildi - FOTO

  • Qubadlıda yeni qərargah bina­sı istifadəyə verildi - FOTO

  • Qubadlıda yeni qərargah bina­sı istifadəyə verildi - FOTO

  • Qubadlıda yeni qərargah bina­sı istifadəyə verildi - FOTO

  • Qubadlıda yeni qərargah bina­sı istifadəyə verildi - FOTO

  • Qubadlıda yeni qərargah bina­sı istifadəyə verildi - FOTO

  • Qubadlıda yeni qərargah bina­sı istifadəyə verildi - FOTO

  • Qubadlıda yeni qərargah bina­sı istifadəyə verildi - FOTO

  • Qubadlıda yeni qərargah bina­sı istifadəyə verildi - FOTO

Publika.az
Rəylər
Oxumağa davam et
Reklam

Hadisə

Tələbələri daşıyan avtobus aşdı - ölən var - FOTO

Türkiyənin Niğdə şəhərində tələbələri daşıyan avtobus aşıb.

Publika.az-ın Türkiyə KİV-lərinə istinadən xəbər verir ki, qəza nəticəsində 2 nəfər həlak olub, 5-i ağır olmaqla 42 nəfər xəsarət alıb.

Bildirilir ki, xəsarət alanlar Niğdə və Ulukışla xəstəxanalarına yerləşdiriliblər.

İlkin məlumatlara görə, qəza sürücünün idarəetməni itirməsi səbəbindən baş verib.

Oxumağa davam et

Hadisə

Almaniyada "meymun çiçəyi" virusu artır

Almaniyada "meymun çiçəyi"nə daha iki yoluxma aşkarlanıb.

Publika.az xəbər verir ki, bu barədə Berlin Səhiyyə Departamenti məlumat yayıb.

Yoluxma halı Bavariyada qeydə alınıb. Bununla da yoluxanların sayı 3 nəfərə çatıb.

Məlumata görə, xəstələrin vəziyyəti sabitdir.

Ümumilikdə bu yaxınlarda virus daha bir neçə ölkədə - Avstraliya, Belçika, Böyük Britaniya, İspaniya, İtaliya, Kanada, Portuqaliya, ABŞ, Fransa və İsveçdə, İsveçrədə, Yunanıstanda tapılıb.

Ümumdünya Səhiyyə Təşkilatı (ÜST) qeyd edib ki, "meymun çiçəyi" nadir virus xəstəliyidir, əsasən Afrikanın mərkəzi və qərbində yerləşən ucqar ərazilərdə baş verir. Virus insanlara gəmiricilər və primatlar kimi vəhşi heyvanlardan ötürülür.

Təşkilat bildirib ki, "meymun çiçəyi" epidemiyaları üçün ölüm halları 1% ilə 10% arasındadır, ölümlərin əksəriyyəti gənc yaş qruplarında baş verir.

Oxumağa davam et

Hadisə

Xankəndidə daha bir rus alimə heykəl qoyuldu - VİDEO

Xankəndidəki 8 saylı orta məktəbin həyətində rus fizik, hidrogen bombasının yaradıcılarından biri, siyasətçi Andrey Saxarova heykəl düzəldiblər.

Publika.az xəbər verir ki, fizikin 101 illiyi ilə bağlı hazırlanan heykəlin bu gün açılışı da keçirilib.

Qeyd edək ki, son vaxtlar Azərbaycanın Qarabağ bölgəsinin rus sülhməramlılarının nəzarətində olan hissəsində rus klassik və alimlərə heykəllər qoymaq “adəti” getdikcə genişlənir.


Oxumağa davam et
Reklam

Gündəm