"Neftçi" "Qəbələ"nin qonağı olacaq - Publika.az
Bizi izləyin

İdman

"Neftçi" "Qəbələ"nin qonağı olacaq

Bu gün futbol üzrə Azərbaycan Premyer Liqasında XIV tura start veriləcək.

Publika.az xəbər verir ki, ilin son turu iki qarşılaşma ilə başlayacaq.

Günün ilk matçı Qəbələdə keçiriləcək. Şəhərin eyniadlı komandası "Neftçi"ni qəbul edəcək. Meydan sahibləri 25 xalla 2-ci, qonaqlar isə 21 xalla 4-cü pillədə qərarlaşıb.

Komandalar çempionatda 52 dəfə üz-üzə gəlib. Bunların 16-da bölgə təmsilçisi, 24-də paytaxt klubu qələbə qazanıb. 12 qarşılaşmada heç-heçə qeydə alınıb. Topların fərqində də "ağ-qaralar""ın üstünlüyü var - 77:64. "Neftçi" 17 oyundur ki, rəqibi ilə görüşdə meydanı qolsuz tərk etmir. "Qəbələ" isə son 10 Premyer Liqa matçında qalib gələ bilməyib.

Günün ikinci oyununda "Sumqayıt" "Keşlə"ni qəbul edəcək. "Gənclik şəhəri" təmsilçisi 12 xalla 6-cı, paytaxt klubu 11 xalla 7-ci yerdədir. Çempionatdakı əvvəlki 36 görüşün 16-da qonaqlar, 10-da isə meydan sahibləri meydanı 3 xalla tərk edib. 10 qarşılaşmada qalib müəyyənləşməyib. Topların fərqində də "Keşlə" üstündür - 51:37. Buna baxmayaraq, bu il ölkə kubokunun finalında "Sumqayıt"a qalib gələn komanda çempionatdakı son 4 matçda qələbə qazana bilmir. "Gənclik şəhəri" təmsilçisi isə evdəki 4 qarşılaşmada 3 xala həsrət qalıb.

Azərbaycan Premyer Liqası, XIV tur

16:00. “Qəbələ” – “Neftçi”
Hakimlər: Kamal Umudlu, Müslüm Əliyev, Kamran Bayramov, Səbuhi Bayramov
Hakim-inspektor: Ömər Paşayev
AFFA nümayəndəsi: Erkin Hüseynov
Qəbələ şəhər stadionu,

19:00. “Sumqayıt” – “Keşlə”
Hakimlər: Əliyar Ağayev, Zeynal Zeynalov, Akif Əmirəli, Rövşən Rəcəbov
Hakim-inspektor: Ramil Diniyev
AFFA nümayəndəsi: İlham Əliyev
“Kapital Bank Arena”

Qeyd edək ki, tura dekabrın 16-da oynanılacaq "Səbail" - "Sabah" və "Qarabağ" - "Zirə" görüşləri ilə yekun vurulacaq.

Rəylər
Oxumağa davam et
Reklam

İdman

Mbappe PSJ-də qalır?

Fransanın "Paris Sen-Jermen" klubu hücumçusu Kilian Mbappe ilə müqaviləni uzadıb.

Publika.az xəbər verir ki, bu barədə klubun Tviter səhifəsində bildirilib.

Məlumata əsasən, 23 yaşlı hücumçu ilə müqavilə 2025-ci ilin yayına qədər uzadılıb.

Oxumağa davam et

İdman

“Anadolu Efes” Avroliqanın çempionu oldu

Türkiyənin “Anadolu Efes” klubu basketbol üzrə Avroliqanın 2021/2022-ci il mövsümünün çempionu olub.

Publika.az xəbər verir ki, Serbiyanın paytaxtı Belqraddakı “Stark Arena”da keçirilən final matçında “Anadolu Efes İspaniyanın “Real Madrid” klubunu 58-57 hesabı ilə məğlub edib.

Bununla da “Anadolu Efes” ardıcıl iki mövsüm Avropa basketbolunun bir nömrəli kubokuna yiyələnib.

Yunanıstanın “Olimpiakos” klubundan 84-74 hesabı ilə üstün olan İspaniyanın “Barselona” klubu isə mövsümü üçüncü pillədə tamamlayıb.

Oxumağa davam et

İdman

Azərbaycan Premyer Liqasının bombardiri bəlli oldu

Futbol üzrə Azərbaycan Premyer Liqasında 2021/2022 mövsümünün bombardiri bəlli olub.

Publika.az-ın məlumatına görə, bu ada "Qarabağ"ın oyunçusu Kadi Borges sahib çıxıb.

26 yaşlı yarımmüdafiəçi "Neftçi"ni 4:1 hesabı ilə məğlub etdikləri görüşdə fərqlənməklə çempionatdakı qollarını sayını 12-yə çatdırıb.

Oxumağa davam et
Reklam

Gündəm