Türkiyənin Burdur vilayətindəki Salda gölü 185 metr dərinliyi ilə ölkənin ən dərin şirin su gölüdür.

Publika.az xəbər verir ki, dünyanın üçüncü ən dərin gölü olan Salda Burdur vilayətinin Yeşilova rayonunda yerləşir. Şəhər mərkəzindən 5 km aralıda yerləşən göldə üzmək mümkündür.

Salda gölü dəniz səviyyəsindən 1193 metr yüksəklikdə yerləşir. 44 kvadratkilometrlik gölün min illər əvvəl geoloji çökmə nəticəsində əmələ gəldiyi təxmin edilir. Salda gölü və ətrafı 1989-cu ildən yüksək keyfiyyətli təbiət qoruğu kimi qorunur. Son 20 ildə gölün səviyyəsi 3-4 metr aşağı düşüb və gölün suyu çəkilməyə davam edir.

Xəstəliklərə şəfa olan göl

Salda gölündə aparılan araşdırmalara görə, mütəxəssislər gölün suyunun sızanaq və göbələk kimi bəzi dəri xəstəliklərinə qarşı təsirli olduğunu bildiriblər. Göldəki minerallar sayəsində insan bənzər dəri xəstəliklərindən xilas ola bilir.

4 ildir Salda gölünü araşdıran Şotlandiyanın Qlazqo Universitetinin professoru Mayk Russell bildirib ki, Yer kürəsində Marsın səth xüsusiyyətlərinə malik iki yer var, biri Kanadanın şimalında, digəri isə Salda gölündə. Göldəki maqnezium bəyazı qayaların Marsda da olduğunu söyləyən Russell burada həyatın günəş enerjisi və kimyəvi molekulların birləşməsindən başlamış ola biləcəyinə inanır.

Gölün ətrafındakı və içindəki ağ qumların göldəki maqneziumlu qayalardan əmələ gəldiyi deyilir.

Papua Yeni Qvineyada yaşayan Yali qəbiləsi dünyanın ən təhlükəli icmalarından biri kimi qəbul olunur.

Publika.az xəbər verir ki, “Şərqdən gələn adam” mənasını verən Yali adamyeyənliyi ilə tanınan bir qəbilədir.

Dünyanın qalan hissəsindən kifayət qədər təcrid olunmuş vəziyyətdə yaşayan Yalilərin özünəməxsus qaydaları, adət və ənənələri mövcuddur.

Min illər boyu başqa insanlarla demək olar ki, əlaqə olmadan yaşayan Yali tayfası zaman keçdikcə digər icmalardan kifayət qədər uzaqlaşıb.

Onlar hər şeyə kənardan təhlükə kimi baxdıqlarına görə yaşadıqları bölgələrə gəlmək istəyənlər üçün müxtəlif tələlər qururlar.

1960-cı ilə qədər Yalilərin həyatı və tarixi haqqında demək olar ki, məlumat olmayıb.

"WhatsApp" tərtibatçı komandası özündə "Status" ların yaradılması menyusunda bəzi qrafik dəyişiklikləri ehtiva edən yeniləmə buraxı.

Publika.az xəbər verir ki, bu barədə WABetaInfo portalı yazır.

Bildirilir ki, proqramın 2.22.11.13 nömrəli son versiyasında “Statuslar” dərc edilərkən smayliklər, mətn, şrift və mətn fonunun əlavə edilməsi düymələri ekranın yuxarı sağ küncünə köçürülüb. Daha əvvəl bu bu funksiyalar aşağı sol küncdə yerləşdirilirdi.

Bundan əlavə, "statuslar"-ın yaradılması menyusuna sürətli məxfilik parametrləri əlavə edilib. İndi istifadəçilər yerləşdirilən "status"ları kimin görə biləcəyini seçə bilərlər.

“WhatsApp”ın 2.22.11.12 versiyası artıq “Android” əməliyyat sistemi ilə işləyən smartfonlarda messencerin beta-testçiləri üçün əlçatandır. Hazırda messencerin stabil versiyasında yenilənmiş menyunun görünmə vaxtı barədə məlumat yoxdur.