Xəbərlər - Publika.az
Bizi izləyin

İnanc

Xoşbəxtliyin 12 AÇARI: maskanı çıxarın və...

Bəzi fikirləri ağlınızdan qovmaqla əsl xoşbəxtliyin nə olduğunu anlayacaq və həyatdan zövq almağa başlayacaqsınız.

Publika.az oxucuları həyatı asanlaşdıran 12 qayda ilə tanış edir.

Sadəcə oxumaqla kifayətlənməyin, həyatınızda tətbiq edin!

1. Həqiqəti sübut etmək ehtiyacından azad olun

Aramızda o qədər çox insan var ki, hətta gözəl münasibəti bitirmək təhlükəsi altında olsa belə, fərqli fikir qəbul edə bilmirlər. Onlar buna dəyməz.

2. Ümumi nəzarət

Ətrafınızda baş verən hər şeyi daim nəzarətdə saxlamaqdan vaz keçin: vəziyyətlər, hadisələr, insanlar və s. Ailə üzvləriniz, sevdikləriniz, iş yoldaşlarınız və ya küçədəki tanımadığınız insanlara olduqları kimi davranmalarına icazə verin.

3. Günahlandırmaq

Sahib olduğunuz və ya etmədikləriniz, hiss etdikləriniz və hiss etmədikləriniz üçün başqalarını günahlandırmaqdan özünüzü azad edin. Enerjinizi dağıtmağı dayandırın və həyatın bütün məsuliyyətini öz üzərinizə götürün.

4. Özünüzlə neqativ söhbət

Mənfi düşüncə və emosiyaların həyatınızı idarə etməsinə icazə verdiyiniz üçün özünüzə zərər verirsiniz. Məntiqli düşüncələrin söylədiyi hər şeyə inanmayın. Düşündüyünüzdən daha yaxşı və bacarıqlısınız.

5. Şikayətlənmək

Hər şeydən şikayət etmək vərdişini tərgidin. İcazə vermədiyiniz halda heç kim sizi bədbəxt edə və ya kədərləndirə bilməz.

6. Tənqid

Sizdən fərqli insanları və gözləntilərinizə uyğun olmayan hadisələri tənqid etməyin, onsuz da heç nə dəyişməyəcək.

7. Başqalarını heyran etmək ehtiyacı

Özünüzü olmadığınız kimi göstərməyin. Maskanı çıxarın, əsl özünüzü qəbul edin və sevin.

8. Dəyişikliklərə müqavimət göstərməyin

Dəyişikliklər normaldır, A nöqtəsindən B nöqtəsinə keçmək lazımdır. Dəyişiklik həyatımızı və ətrafımızdakı insanların həyatını yaxşılığa doğru dəyişməyə kömək edir.

9. Keçmişlə yaşamayın

Bəli, keçmişlə vidalaşmaq çətindir. Xüsusilə keçmiş hazırkı vəziyyətdən yaxşıdırsa. Gələcək bir az qorxuncdur. Ancaq qəbul etməlisiniz ki, əlinizdə olan hər şey indi sahib olduqlarınızdır.

10. Qorxu

Qorxu yalnız xəyaldır, bunlar təxəyyülünüzün uydurmalarıdır. Daxili münasibətinizi dəyişdirin, qalan hər şey öz yoluna düşəcək.

11. Özünümüdafiə

Bəhanələri ifşa edin və onları “təqaüdə” yollayın. Çox vaxt müxtəlif bəhanələrlə özümüzü məhdudlaşdırırıq.

12. Başqalarının gözləntiləri ilə yaşamayın

Bir çox insan onlara aid olmayan həyatı yaşayır. Valideynlərinin, dostlarının, müəllimlərinin və cəmiyyətin onlardan gözlədiklərini həyata keçirir. Daxili səslərinə məhəl qoymurlar. Başqalarının gözləntilərini yerinə yetirməklə o qədər məşğul olurlar ki, həyatlarını idarə edə bilmirlər. Onlara nəyin xoşbəxtlik gətirdiyini, həyatdan nə istədiklərini tapmaqda çətinlik çəkirlər. Və sonunda özlərini unudurlar.

Bu həyat sadəcə bir dəfə verilir, indi və burada baş verir. İstədiyiniz kimi yaşayın, daxili səsinizi dinləyin. İcazə verməyin ki, başqaları yerinizə qərar versin.

Rəylər

İnanc

Məşhur psixoloqdan uğur formulu - Bu cümlələri hər səhər oxuyun!

Kliniki psixologiya üzrə fəlsəfə doktoru, “Loqos” Psixoloji və Nitq İnkişaf Mərkəzinin rəhbəri Təranə Paşayeva günümüzün yaxşı keçməsi üçün hər səhər bizi ruhlandıran cümlələri təkrar etməyi təklif edib. 

Publika.az xəbər verir ki, psixoloq bu cümlələrdən bir neçəsini sosial şəbəkədə paylaşıb. 

- Gec verilmiş düzgün qərar artıq yanlış qərardır.

- Uğurun formulu: hamı yatanda sən öyrən; hamı avaralananda sən işlə; hamı oynayanda sən hazırlaş.

- Tez zamanda əməklərinin qarşılığını almaq istəyənlər pinəçi olsun.

- Hər zaman ən çətin yolu seçin, orda rəqibiniz olmayacaq.

- Əgər təhsilin bahalı olduğunu düşünürsünüzsə, cəhalətin qiymətini öyrənməyə çalışın.

- Əgər yeganə məqsədiniz zəngin olmaqdırsa, bu, heç vaxt baş tutmayacaq.

- İnsanlar zəngin olmaq istəmir, insanlar başqalarından daha zəngin olmaq istəyir.

- Mənə işlədiyini demə, nə qazandığını göstər.

- İşini yaxşı bilən insanları işə götürüb onlara necə işləyəcəklərini deməyin, icazə verin onlar sizə işin necə görülməli olduğunu göstərsin.

- Bəllidir ki, işin 80 faizini cəmi 20% insan icra edir. Bu yaxınlarda məlum olub ki, 80% insan o 20 faizin içində olduğunu düşünür.

- Hər zaman hər şeyi bilən insan yerinə şövqlə çalışan insanı seçin.

- Məqsədiniz nə olursa-olsun, yalnız əmək sərf etdiyiniz təqdirdə onu əldə edə biləcəksiniz.

- Bazar iqtisadiyyatı stabil deyil, özünüzə yatırım edin.

Oxumağa davam et

İnanc

Məşhur rejissordan həyat sevincini geri qaytaran PRİNSİP

Rusiyanın 81 yaşlı tanınmış kino rejissoru və siyasətçisi Andrey Konçalovskinin sadə həyat prinsipi yaşam sevincini bizə geri qaytarır. 

Publika.az oxucuları məşhur rejissorun hikmətli fikirləri ilə tanış edir:

Öyrəndikcə yaşayırıq. Yeni biliklərdən həzz alırıqsa və həyat bizi təəccübləndirirsə, demək ki, biz hələ gəncik. Mən sizə başqalarından daha yaxşı olmağın sadə bir yolunu təklif etmək istəyirəm: doktrinaya, manipulyasiyaya qapılmayın. Başqaları kimi olmayın və istənilən vəziyyətdə öz fikrinizi bildirin. Düzdür, fikrə sahib olmaq üçün özün də məlumatlı olmalısan. 

Və yenə də, mənə elə gəlir ki, hər yaşda insan əvvəllər dadmadığı və çoxlarının həzz almadığı bir şeydən həzz almağa çalışmalıdır. Onu yeni həzzə aparan yolu tapmayan və bunun üçün səy göstərməyən insanlara yazığım gəlir. Klassik musiqiyə qulaq asmayan insanlara yazığım gəlir. Amma onlar klassik musiqiyə cahil olduqları üçün qulaq asmırlar, məsələ ondadır ki, heç kim onlara bu gözəlliyin nə olduğunu izah etməyib. 

Daha yaxşı olmaq istəyirsən? İki dəqiqəlik prinsipi sınayın: gündə iki dəqiqənizi adətən etmədiyiniz bir işə ayırın. Bu, Tolstoy romanlarının mütaliəsi və ya başqa bir iş ola bilər. İki səhifə oxuyun, artıq yox. Və bu iki dəqiqəlik məşğuliyyət ərzində tapdığınız dəyərli fikirlər özünüzü çox təəccüblənəcək.

Stanislavskinin illər əvvəl dediyi bir fikri burda yerinə düşür: “Kifayət qədər uzun ömür sürmüşəm. Çoxlu uşaq sahibi oldum. Həyatımda sevgi var idi. Varlı idim. Məşhurluğu hiss edirdim. Bütün dünyanı gördüm. İnsanoğlunun əldə edə biləcəyi bütün həzzləri yaşadım. Və indi deyə bilərəm ki, həyatda nə əsasdır. Ən vacib şey öyrənməkdir: öyrəndiklərinizdən həzz almaq. Konfutsi isə buna əlavə edərdi: “Nə qədər ki, nəyisə öyrənməkdən həzz alırsan, gəncsən”.

Oxumağa davam et

İnanc

Əfqan qadınları niyə qara yox, mavi hicab geyinir?

Ərəb ölkələrində qadınların qara paltar geyinməsinə çoxdan öyrəşmişik. Hicab, niqab və ya burqa.

Ancaq bir istisna var - Əfqanıstan. Bu ölkədə qadınlar sadəcə mavi burqa geyinirlər.

Publika.az xarici mətbuata istinadən oxucuları əfqan qadınların mavi burqaya üstünlük verməsinin səbəbləri ilə tanış edir. Mavi burqaya üstünlük verən qadınları yalnız Əfqanıstanda deyil, Pakistan, Hindistan və İranda da görmək olar. Lakin nadir hallarda.

Əslində bu rəng coğrafi məna kəsb edir. Qadınlar Kabildə mavi, Əfqanıstanın şimalında ağ, cənubunda isə yaşıl rəngli paltar geyinirdilər. Lakin tədricən mavi digər rəngləri əvəz etməyə başladı.

Ümumiyyətlə, mavi İslam ənənələri ilə çox bağlıdır. Quranda yaşıl müqəddəs rəng hesab olunur, mavi isə pis gözdən qorunmaq üçün istifadə olunur. Bu səbəbdən dünyada mavi məscidlər çoxdur - Misirdə, İranda, Malayziyada, ən məşhuru Türkiyədəki İstanbul Mavi Məscididir. Mavi rəngin qadınları pis gözlərdən qoruduğuna dair inanclar var.

Bundan əlavə, mavi spektrdə yaşıl rəngə yaxındır, bir az da bununla əlaqəli hesab olunur. Yaşıl yuxarıda deyildiyi kimi, İslamda ilahi rəmzi məna daşıyır. Yəni qadınlar üçün mavi burqa yalnız qorunmaq mənasında deyil, qismən ilahi əhəmiyyət kəsb edir.

Ancaq daha bir səbəbi də var. İslamda qadınların geyimlərini araşdıran tədqiqatçı Ketrin Kartvayt-Conson bu nəticəyə gəlib ki, mavi daha çox xoş təsir bağışlaması ilə məşhurdur və bu səbəbdən də insanlar onu geyimdə istifadə etməyi sevir. Dediyinə görə, parlaq mavi digər mədəniyyətlərdə də istifadə olunur, çünki insanlar üçün xoş olan detallarla əlaqələndirilir - göy, dəniz və s. Ehtimal ki, cəlbedici rəng tonu sayəsində mədəniyyətdə də özünə yer tutub.

Ancaq maraqlıdır ki, Əfqanıstanda qadınların mavi geyim ənənəsi yox ola bilər. Yeni nəsil qadınlar qara hicab və niqablara üstünlük verməyə başlayıb.

Oxumağa davam et
Reklam

Gündəm