Xəbərlər - Publika.az
Bizi izləyin

Qoroskop

Günün ULDUZ FALI: bir neçə münaqişənin əsasını qoya bilərsiniz

Publika.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - yaxşı ideyalarınız çoxdur, amma onların reallaşması üçün yetərincə səy göstərmirsiniz. Belə davam edərsə, fikirlərinizdən istedadı az, qətiyyəti və baş verənlərə praktiki baxmaq bacarığı çox olan insan yararlanacaq. Yaşlı qohumlarla ünsiyyətdə problemlər yarana bilər. İndiyədək sakit formada olan anlaşılmazlıqlar sərtləşə bilər.

Səfər və ya səyahətdən, nəqliyyat vasitəsi almaq ideyasından imtina edin. Kiçik maliyyə itkiləri ola bilər. Alacağınız pulların ödənilməsində gecikmələr var.

Buğa - təxəyyül və fantaziya sizi ağır səhvlərə yol verməyə sürükləyə bilər. Xəyallar aləminə dalmazdan əvvəl daha etibarlı və faydalı iş görməyə çalışın. Aldığınız məlumatları diqqətlə yoxlayın. Kiminsə sizi bilərəkdən yanıltmağa can atması istisna deyil.
Peşəkar fəaliyyət müstəvisində ciddi məsələlərin həlli üçün əlverişli gün deyil. Situasiyanı aydınlaşdırmağa çalışanda daha da çaş-baş qalacaqsınız. Şəxsi münasibətlər müstəvisində vəziyyət fərqlidir. Çətinliklərin öhdəsindən gələcəksiniz.
 

Əkizlər - emosional fon stabil deyil. Nikbinlik və ruh yüksəkliyini itirməyin. Kiçik məsələlərə görə qıcıqlanmayın. Bu günün ən mühüm məqamlarından biri puldur. Maliyyə perspektivləri dumanlıdır. Bunu anlayın və izafi xərclərə yol verməyin.

Məntiqli, soyuqqanlı davranın.

Hansı işi görəcəyinizi müəyyənləşdirin, sonra fəaliyyətə başlayın. Əvvəlcədən planlaşdırılmayan, yaxşı təşkil olunmayan səfərlərə yollanmayın. Dövlət qurumlarına baş çəkmək, məmurlarla ünsiyyət üçün yaxşı gün deyil.

Xərçəng - qarşınıza qoyduğunuz məqsədlərə çatmaq üçün qətiyyətli və əzmkar olun. İstənilən tanışlıqda fayda var. Bir zamanlar yardım etdiyiniz insanlarla təmaslardan indi yetərincə fayda əldə bilərsiniz. Anlaşmalar, alış-veriş üçün əlverişli zamandır.

Qəbul etdiyiniz qərarlar orijinaldır və ətrafınızdakı insanları təəccübləndirir. Narahat olmayın, uğur qazanacaqsınız. Axşam saatlarında açıq havada mümkün qədər çox vaxt keçirməyə çalışın. Bu, səhhətinizə və əhvalınıza müsbət təsir edəcək.

Sintetik materiallardan hazırlanmış paltar, bijuteriya almayın.

Şir - bütün diqqəti işə yönəldin. Peşəkar fəaliyyət müstəvisində əhəmiyyətli uğurlar əldə etmək, karyera pilləkənində yüksəlmək şanslarınız var. Müttəfiq və həmfikirləri asanlıqla tapacaqlar. Onların çoxu maddi məsələləri arxa plana ataraq ideyanı ön plana çəkirlər. Hüquqi məsələlərin həlli üçün əlverişli zamandır. Önəmli sənədləri imzalamaq olar.

Yaxınlarınızla münasibətlərdə süni çətinliklər və sədlər yaratmayın. Əhvalınız sürətlə dəyişəcək. Yaxın ətrafınızdakı insanlar bunun səbəblərini anlamırlar. Qəfil təkliflər alacaqsınız. Onların bəziləri ilə düşünmədən razılaşmaq olar.

Qız - sakit və rəvan gündür. Artıq mənasız hərəkətlər etməyin, maraqlarınızın təminatını ön plana çəkin.

Yaşam arealında rekonstruktiv prosedurların aparılması effektiv nəticələr verə bilər.

Bilik və bacarıqların artırılması, uzunmüddətli planlaşdırma, mürəkkəb intellektual fəaliyyət üçün əlverişli zaman deyil. Malik olduğunuz informasiyanı təhlil etməkdə çətinlik çəkəcəksiniz. Nəticələrinizin bəziləri yanlış ola bilər.

Günün ikinci yarısı problemləri yaşlı qohumlarla müzakirə etmək üçün yaxşı zamandır. Real yardım alacaqsınız.

Tərəzi - uğur vəd edən gündür. Böyük səy göstərmədən əla nəticələr əldə edə bilərsiniz. Aktiv olun, qətiyyət və əzmlə çalışın. Rəqibləri geridə qoymaq, bədxahları üstələmək üçün bütün imkanlardan, potensialınızdan faydalanın. Əvvəllər kəsdiyiniz münasibətləri bərpa etmək, ünsiyyətinizdə çətinliklərin yaşandığı insanlarla dil tapmaq şansınız var.

Maliyyə və əmlak məsələləri ilə bağlı mübahisələri aradan qaldırın. Kompromiss həll tapın. Ev üçün qeyri-adi əşyalar, o cümldən ekzotik interyer detalları ala bilərsiniz.

Günün ikinci yarısında gəlir olacaq.

Əqrəb - işgüzar aktivliyiniz yüksək olsun. Məhsuldar çalışın, yaxın ətrafınızdakı insanların da tənbəllik etmələrinə imkan verməyin. İstənilən işə başlayaraq onu yaxşı nəticələlərlə bitirə bilərsiniz. Daha çox hərəkət edin. Enerjili, nikbin davranın.

Yaxın ətrafınızdakı insanlarla dil tapmaq asan deyil. Rəqabət mübarizəsi kəskinləşir. Rəqabət elementləri hətta ailə münasibətlərinə də sirayət edir. İnsanların sizə qarşı ədalətsiz olduqlarını düşünsəniz, bir neçə münaqişənin əsasını qoya bilərsiniz.

Müdrik olun, hər xırda və əhəmiyyətsiz məsələni faciəyə çevirməyin.

Oxatan - əlverişli gündür. Ən müxtəlif tapşırıq və işlərin öhdəsindən gələ biləcəksiniz. Aldığınız pulu məntiqlə xərcləyin. Səyahətə yollanmaq olar. Səfər yaxşı nəticə verəcək.

Nüfuzlu insanlarla ünsiyyət üçün yaxşı gündür. Onlarda xoş təəssürat yaradacaqsınız. Yardım və dəstək almağınız da istisna deyil. Yaşamınızda konkret dəyişikliklər etmək imkanları, yeni perspektivlər yaranır. Rəğbət bəslədiyiniz insanla təmaslarda diqqətli və həssas olun.

Axşam saatlarında normal istirahət edin.

Oğlaq - praktik olun. Yaşam enerjisinin bir damlasını, pullarınızın bir qəpiyini, vaxtınızın bir dəqiqəsini də boşuna xərcləməyin. Məhz olmalı olduğunuz yerdə vaxtında olun. Yaranan imkanlar və şansları əldən verməyin. Uğurlarınıza görə şəraitə və situasiyaya minnətdar olduğunuzu düşünməyin.

İntuisiyanı unutmayın.

Günün ikinci yarısında bədbin olmayın. Həttə ən yaxın saydığınız insanlara qarşı ifrat irad və iddialarla çıxış etməyin.

Soyuqqanlı olun.

Dolça - təmkinli, soyuqqanlı olun. Emosiyaların əsarətinə düşsəniz, bütün işlərdə problemlər yaranacaq. Yaxşı heç nə gözləmədiyiniz insanlardan biri sizə yardım edəcək. Nüfuzlu düşmən qazanmaq istəmirsinizsə, aldığınız yardıma görə minnətdarlıq edin.

Səfərlərdə ehtiyatlı olun. Problemlər, o cümlədən ciddi çətinliklər ola bilər.

Yaxınlarınızla münasibətlərdə gərginlik yaratmayın. Belə situasiya varsa, səbəbi tapın və problemi çözün.

Özünütənqidi unutmayın.

Balıqlar - xərc və məsrəflərin çox olduğu gündür. Pulları düşünmədən xərcləsəniz, çox ağır vəziyyətə düşə bilərsiniz. Ağıllı, soyuqqanlı, məntiqli olun. İşin öhdəsindən pis gəlməsəniz də, bunu həmkarlar və tərəfdaşlar sanki görmək istəmirlər. Bundan inciməyin, bədbinləşməyin. Düşünülməmiş addımlar, sərt ifadələrə yol verməyin. Diqqət mərkəzində olacaqsınız.

Şəxsi münasibətlərdə müsbət dəyişikliklər ola bilər. İntuisiyanız güclüdür və sizi məqsədə doğru aparır. Bunu anlayın, müqavimət göstərməyin. Dəyərli və xoş hədiyyələr ola bilər.

Milli.Az

Rəylər

Qoroskop

Günün ULDUZ FALI: şəxsi münasibətlərdə kiçik problemlər yarana bilər

Publika.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - Çətin olacaq. Yaranan problemlər və formalaşan çətinliklər mürəkkəbdir. Onları çözmək üçün baş sındırmalı olacaqsınız. İşdə rəhbərliklə fikir ayrılıqları yarana bilər. Dövlət qurumlarının nümayəndələri ilə təmaslarda diqqətli olun.

Daşınmaz əmlak və ya nəqliyyat vasitəsi ilə bağlı əməliyyatlar məsləhət deyil.

Emosional fon stabil deyil. Gah sevinir, gah da səbəblərini özünüz anlamadığınız təlaşa və nigarançılığa qapılırsınız. Yaxınlarınızla dil tapmaq çətinləşir.

Sevdiyiniz insanla münaqişə yaratmayın.

Buğa - Maraqlı, əlverişli və məhsuldar gündür. İstənilən, hətta ən çətin işə başlaya bilərsiniz. Bilik və bacarıqlarınızdan yararlanın. Yalnız kəskin zərurət yarananda yardım üçün dostlara müraciət edin. Tanışlar və ya tərəfdaşlar sizə dəstək verə bilərlər. İndiyədək bədxahlarınızın yanında olan şəxs müttəfiqinizə çevrilə bilər.

Şəxsi münasibətlərdə təşəbbüs üçün əlverişli zamandır. Yeni tanışlıqlar asanlıqla yaranır.

Emosiyalara qapılmayın, illüziyaların əsiri olmayın.
 

Əkizlər - Aktiv və enerjili olun. Hər şey istədiyiniz kimi getməsə də, hadisələrin axarını dəyişərək məcrasına müdaxilə etməyə çalışmayın. Situasiya ilə barışın, şanslar və imkanlardan yararlanın. Mənasız, heç bir əsası olmayan məsrəflər etməyin.

Günün ikinci yarısında yaxşı gəlir əldə edə bilərsiniz.

İstək və niyyətlərinizin əsiri olmayın. Onlar sizi planlaşdırmadığınız yerə apara bilər.

Uzaq səfər və ya səyahət məsləhət deyil.

Xərçəng - Ehtiyatlı və sayıq olun. Xoşagəlməz hadisələrin yaşanma ehtimalı böyükdür. Eksperimentlər etməyin, riskə aludə olmayın. Bu minvalla təhlükəsizliyinizi təmin etmiş olarsınız. Uzun səfər üçün əlverişli gün deyil. Ekstremal hisslər sizi düşünülməmiş addımlar atmağa vadar etməsin. Sizə qarşı aqressiv mövqe tutan insanlarla görüşdən yayının.

Bütün diqqəti öz işlərinizə yönəldin. Başqalarının işlərinə mümkün qədər az müdaxilə edin. Kiməsə yardım edə bilməyəcək, hətta vəziyyəti daha da korlayacaqsınız. Alış-verişdə bədxərclik etməyin. Nə isə almaq istəyirsinizsə, o əşyanın sizə nə dərəcədə gərəkli olduğunu düşünün.

Şir - Tələsməyin, düşünülməmiş addımlar atmayın. Təmkinlə davransanız, faydalı işlər görərək yaxşı nəticələr əldə edə bilərsiniz. Başqasının dediklərindən daha çox, öz fikirlərinizə bel bağlayın. Yaranmış situasiyada necə davranacağınızı müəyyənləşdirin. Yaxın ətrafınızdakı insanlar bunu dəqiqləşdirə bilmirlər.

Yeni iş və ya layihəyə başlamaq olar. Bilik və bacarıqlarınızı artırın, dünyagörüşünüzü genişləndirin. Təcrübəli, bilikli insanlarla təmaslarda xeyir var.

Hüquqi məsələlərin həlli üçün münasib gündür. Şəxsi münasibətlərdə kiçik problemlər yarana bilər.

Ruhdan düşməyin.

Qız - Asan uğurlar və xoş qələbələr günüdür. Yaranan problemlərin öhdəsindən gələcəksiniz. İndiyədək həllolunmaz sayılan çətinlikləri çözmək şansları artır. Yeni təcrübə və bilik əldə etmək imkanı yaranır. Əldə etdiyiniz biliklərdən yararlanmağın yolunu tapın.

Yeni fəaliyyət sahəsinin seçilməsi üçün əlverişli zamandır.

Günün maliyyə fonu münasibdir. İşlər axarındadır, durum stabildir. Nəzərdə tutmadığınız alış-veriş etmək, pul xərcləmək olar. Rəsmi danışıqlarla yanaşı, qeyri-formal müzakirələr pis keçmir. İstənilən şəraitdə soyuqqanlı və təmkinli qalın. Belə olarsa, yaxın ətrafınızdakı insanların sizə inamı artar.

Tərəzi - Günün ilk yarısında peşəkar fəaliyyət müstəvisi və maliyyə sahəsindəki məsələləri həll edə bilərsiniz. Dəqiq fəaliyyət planı hazırlayın. Sonradan həmin planı addım-addım reallaşdırın, hər mərhələni uzun müddət təhlil etməyin. Çox maraqlı işgüzar təkliflər ala bilərsiniz. Lakin unutmayın ki, yeni iş və ya sifarişlə bağlı təklifi qəbul etməzdən əvvəl yaxşıca düşünmək gərəkdir.

Günün ikinci yarısı əlaqələrdə və ya təmaslarda ciddi problem yarada bilər. Hətta ən yaxın adamlardan biri ilə kəskin mübahisə riski var. Yaxın ətrafınızdakı insanlar sizi anlamır, dəstəkləmirlər. Axşam saatlarında tək qalın, vaxtınızı sakit işlərə sərf edin. İfrat yorğunluğa yol verməyin.

Əqrəb - Səhhətinizə fikir verin. Bu günün riskləri çoxdur. Zərərli vərdişlərdən əl çəkin, düzgün qidalanın. İstənilən fəaliyyət sahəsində ifrata varmayın, izafi işlərlə özünüzü yormayın. Mümkünsüzü özünüzdən tələb etməyin.

Travma riski çox deyil.

Günün əksər hissəsini işə həsr edin. Peşəkar fəaliyyət sahəsində alınan tapşırıqların öhdəsindən gəlmək adi günlərlə müqayisədə bir qədər çətinləşir.

Maraqlı işgüzar təkliflərin alınması istisna deyil. İş yerini dəyişmək barədə düşünə bilərsiniz. Şəxsi münasibətlərdə ciddi yeniliklər və dəyişikliklər olmayacaq.

Oxatan - Gözlənilməz və qəfil hadisələrlə dolu gündür. Bir məqamda anlayacaqsınız ki, artıq heç nəyə təəccüblənmirsiniz. Uzaqdan gələn xəbərlər sizi təlaşa sala bilər. Fəqət, soyuqqanlı və təmkinli davranın. Dürüst qərarları sürətlə qəbul edin, planlarınızı korrektə edin. Ehtiyac varsa, fəaliyyət istiqamətində dəyişikliklər edə bilərsiniz.

Günün ikinci yarısında yaradıcılıqla məşğul ola bilərsiniz. Yaxın insanlarla münasibətləri dəyişin. Təmaslarda daha çox inam, anlayış, etibar olsun. Xərclər nəzərdə tutduğunuzdan artıq ola bilər.
 

Oğlaq - Asan olmayan, amma məhsuldar və maraqlı gündür. Başladığınız bütün işlərdə uğura nail ola bilərsiniz. Peşəkar qabiliyyət və bacarıq imkanlarınızı artırmaq şanslarını əldən verməyin. Dünyagörüşünü artırın. Bir daha sübut edin ki, işinizi bilən adamsınız. Təmkinli və səbirli olsanız, rəqibləri üstələyə bilərsiniz.

Ünsiyyət üçün əlverişli gündür. Hətta ilk dəfə gördüyünüz insanla belə, asanlıqla dil tapacaqsınız. Genişmiqyaslı işə və ya layihəyə başlasanız, tezliklə müttəfiq tapacaqsınız. Dərhal nəticənin olacağını düşünməyin. İndi gələcək qələbələrin təməlini qoyursunuz.

Dolça - İşgüzar maraqların şəxsi işlərlə bağlı olduğu gündür. Yaşamınızda ciddi dəyişikliklərə səbəb olacaq hadisə baş verəcək. İşdə rəhbərliklə münasibətlərdə sayıq, sərvaxt olun. Peşəkar fəaliyyət sahəsində irəliləyiş olacaq. İnkişaf üçün yeni imkanlar yaranır.

Günün ikinci yarısında irəliləyiş daha da sürətlənə bilər. Alış-verişdə bədxərclik etməyin.

Balıqlar - Qələbə uğrunda mübarizə aparmaq gərəkdir. Qələbələr asanlıqla əldə olunur. Nikbin olun, ruhdan düşməyin. Qarşınıza qoyduğunuz məqsədə çatmaq üçün əzmlə irəliləyin. Günün ikinci yarısında köhnə tanışlar özlərini xatırladacaqlar. Baş verənləri təhlil edin. Problemlərin həlli üçün daha sadə və perspektiv plan təklif edin.

Romantik hisslərin girdabına düşməyin. Əks cins mənsubu sizə xüsusi diqqət yetirir. Axşam saatları aktiv istirahət, müxtəlif görüşlər üçün əlverişlidir.

Oxumağa davam et

Qoroskop

Günün qoroskopu: Onlar göründükləri təki yaxşı deyillər

Publika.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - Emosional fon əlverişli deyil. Ən kiçik və xırda məsələyə görə əhvalınızı pozmayın. Ünsiyyətdə o qədər də xoş olmayan insanlarla təmaslar qaçılmazdır. Onlarla əsl münasibətinizi müvəqqəti də olsa, pərdələməyə çalışın. Gərəkli əşya itə bilər. Bu, sizi hədsiz dərəcədə qıcıqlandırır.

İşdə rəhbərliklə münasibətləri korlamayın.

Önəmli qərarlar qəbul etmək üçün əlverişli gün deyil. Şəxsi münasibətlər müstəvisində səhv ehtimalı böyükdür. Nəzərdə tutulmamış vizit ola bilər. Qonaqlar çox qalacaqlar.

Buğa - Münaqişəli, gərgin gündür. Yaranan problemlərə əhəmiyyət verməməyə çalışsanız da, alınmır. Yaşananları ürəyinizə salmayın. Etibara layiq olmayan adama inanmayın. Əks təqdirdə fırıldaq və ya intriqa qurbanına çevrilərək əhəmiyyətli məbləğdə pul itirə bilərsiniz.

Mühüm qərarları özünüz qəbul edin. Məsləhətlərə kor-koranə əməl etməyin, başqalarının dediklərinə dərhal inanmayın. Böyük müqavilə və ya ciddi anlaşma, habelə alış-veriş üçün əlverişli gün deyil.

Qənaətcil olun.

Əkizlər - Əsas diqqəti məişət qayğıları və şəxsi işlərin çözülməsinə yönəldin. Peşəkar fəaliyyət müstəvisində ciddi irəliləyişə bel bağlamağa dəyməz. İşiniz kommersiya ilə bağlıdırsa, ehtiyatlı olun. Xərclər olacaq. Böyük məbləğdə məsrəfi əvvəlcədən təxminləmək asan deyil. Sayıq və sərvaxt olmasanız, ciddi məbləğdə pul itirə bilərsiniz. Alış-veriş üçün məsləhətli gün deyil.

Sizə əziz insanların xətrinə dəyməyin, onları incitməyin. Sevdiyiniz şəxslə təmaslarda diqqətli olsanız, bütün çətinlikləri dəf edə biləcəksiniz. Axşam saatlarına yaxın yorğunluq özünü göstərəcək. Səhhətdə problem, xroniki ağrının kəskinləşməsi riski var.

Xərçəng - Yaşam potensialı səviyyəsi yüksəkdir. Eyni vaxtda bir neçə işlə məşğul olsanız da, çox yorulmayacaqsınız. Qeyri-standart düşünün, orijinal qərarlar qəbul edin. Belədə bir sıra problemləri sürətlə həll edə biləcəksiniz. Yeni tanışlıq, maraqlı insanlarla görüş olacaq.

Uzunmüddətli planlar qura bilərsiniz. Onları reallaşdırmaq üçün yollar arayın.

Dəyərli məlumatın əldə edilməsi, köhnə tanışlardan önəmli xəbərin alınması istisna deyil. Sərfəli anlaşma, müqaviləyə nail ola bilərsiniz.

Alış-veriş uğurlu olacaq.

Şir - Kiçik problemlərə rəğmən uğurlu gündür. Müsbət təmayüllərin təsiri güclü olduğundan ciddi pərişanlığa səbəb yoxdur. Sevinc önəmli və uzunmüddətlidir. İndiyədək öhdəsindən gələ bilmədiyiniz problemləri bu gün tezliklə həll etmək imkanlarınız var.

Yaxınlarınızla təmaslar üçün əlverişli zamandır. Uzun zamandan bəri demək istədiyiniz, amma söyləyə bilmədiyiniz həqiqətləri dilə gətirin. Narahat olmayın, sizi anlayacaqlar. Rəğbət bəslədiyiniz şəxsi görüşə dəvət etmək üçün əlverişli gündür.

Axşam saatlarında aktiv istirahəti seçin.
 

Qız - Bütün problemləri ani həll etmək iqtidarında olduğunuzu düşünərək yanılmayın. Əslində hər şey göründüyü kimi olmadığından tələsik, düşünülməmiş qərar qəbul etməyin.

Dəvət aldığınız bütün tədbirlərə qatılmayın. Yaxşı tanımadığınız, bələd olmadığınız insanların yanında özünüzü narahat hiss edəcəksiniz. Köhnə dostlarla münasibətlər də rəvan deyil.

Bu səbəbdən ən yaxın insanlarla ünsiyyətlə kifayətlənin.

Peşəkar fəaliyyətinizin perspektivləri ilə bağlı düşünmək üçün yaxşı gündür. Qarşınızda yeni qapılar aça biləcək insanlarla danışın. Şəxsi münasibətləri işgüzar təmaslara qatmayın. Bu, yaxşı heç nə vəd etmir.

Tərəzi - Günün ilk yarısı məhsuldar fəaliyyət üçün əlverişli gündür. Çətinliklər sizi qorxutmasın. Mürəkkəb, müşkül məsələnin həlli üzərində baş sındıra bilərsiniz. İşdə həmkarlar və rəhbərliklə fikir ayrılıqları yarana bilər. Amma az sonra onlar məntiqlə çıxış etdiyinizi anlayacaqlar.

İntuisiya güclüdür və onun sayəsində siz irəliyə hərəkətinizə mane olan sədlərdən qurtulacaqsınız. Qeyri-formal şəraitdə peşəkar fəaliyyətlə bağlı məsələləri müzakirə etmək olar.

Günün ikinci yarısının emosional fonu əlverişli deyil. Təmaslarda çətinliklər yarana bilər. Yaxın ətrafınızdakı insanlarla müqayisədə özünüz barədə daha çox düşünürsünüz. Bu aşkar göründüyündən problemlər yarana bilər.
 

Əqrəb - Emosional fon çox qeyri-stabildir. Bu isə durumu çətinləşdirir. Yalnız öz maraqlarınızı düşünməyin, təşəxxüslü və eqoist davranmayın. Vədlər və öhdəliklərinizi unutmayın.

Genişmiqyaslı və ciddi işə başlamağa dəyməz. Bu işi başa çatdıra bilməyəcəksiniz.

Günün maliyyə fonu əlverişli deyil. Gəlirlər az olacaq. Anlaşma və sövdələşmələri təxirə salın. Yaşlı qohumlardan biri ilə ciddi fikir ayrılıqları yarana bilər. Təmasları gərginləşdirməyin.

Oxatan - Eksperimentlər aparın. Qəfil, gözlənilməz, cəsur ideyalar yaranır. Çətin olsa da, onların bəzilərini reallaşdırmağa çalışın. İndiyədək yalnız peşəkar fəaliyyət müstəvisində təmaslarınız olduğu insanla dostlaşa bilərsiniz.

Maliyyə baxımından əlverişli gündür. Gəlirləriniz gözləntilərinizdən də artıq ola bilər. Yaşlı qohumlar və ya köhnə dostlardan biri sizə səxavətli hədiyyə verə bilər. Xoş sürpriz istisna deyil.

Oğlaq - Ciddi və mühüm işə başlaya bilərsiniz. İntellektual potensial səviyyəniz yüksəkdir. Ətrafınızdakı insanları fikir və planlarınızın dərinliyi, məntiqi ilə heyrətləndirə bilərsiniz.

İdeyalar çoxdur, amma onlar göründükləri təki yaxşı deyillər. İllüziyalara və xəyallara qapılmayın. Praktik, soyuqqanlı olun, praqmatik davranın. Maliyyə itkiləri istisna deyil. Bugünkü anlaşma, sövdələşmə və ya danışıqlar ümid etdiyiniz nəticələri verməyəcək.

Yaxınlarınızla ünsiyyət zamanı səbrli və həssas olun.

Dolça - İmkanlar və şanslardan yararlanmağa çalışın. Adi günlərlə müqayisədə daha ətalətli və süst olmayın. Belə davranış əhvalınızı pozacaq, sizi dözülməz və qıcıqlı edəcək. Maliyyə vəsaiti ilə maksimal dərəcədə ehtiyatlı davranın. Gərəksiz əşyalar almayın, riskli anlaşmalara qatılmayın. Pullarınızla risk etməyin.

Günün ikinci yarısı sizi sevindirəcək. Qəfil sürpriz, çoxdan gözlənilən hədiyyə və ya görüş ola bilər. Qonaq qəbul etmək üçün yaxşı zamandır.

Balıqlar - Dostlar, həmfikirlər və müttəfiqlərlə ünsiyyətdə yeni fəaliyyət planı hazırlaya bilərsiniz. Problemlərinizin bir qismini çözmək üçün nüfuzlu şəxsdən kömək istəməkdən utanmayın. Lakin bilin ki, bu gün göstəriləcək xidmətlərə görə ətrafınızdakı insanlardan birinə sonradan "borc qaytarmalı" olacaqsınız.

Ailə üzvləri və yaxınlarınızdan biri ilə münasibətlərdə problemlər yarana bilər. Fəqət çətin situasiyada soyuqqanlı olun. İstənilən problemi münaqişəyə varmadan həll etmək mümkündür.

Maraqlarınızın bir qismini qurban verərək sakitlik və səbatlılığa nail olun.

Axşam saatlarında aktiv istirahəti seçin.
 

Milli.Az

Oxumağa davam et

Qoroskop

Günün ULDUZ FALI: problemlər daha ciddi formada geri qayıda bilər

Publika.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - qətiyyətli və inamlı addımlar, qərarlar üçün əlverişli gündür. İmprovizə edə bilərsiniz. Hadisələr gözlənilməz məcrada inkişaf edirsə, adekvat addımlar atın. Çaş-baş qalmayın. Yeni tanışlıqlar asanlıqla yaranır. Nikbin və pozitiv olun.

Komandada çalışmaq pis deyi, amma müstəqil fəaliyyət də effektiv ola bilər. Anlaşmalar gəlir gətirəcək. Alınan pulların məbləği arta bilər.

Axşam saatlarında həyat potensialı səviyyəsi aşağı düşəcək. Özünüzü qoruyun, orqanizminizi sınağa çəkməyin.
 

Buğa - səbrli və təmkinli olun. Məqsədə doğru inadlı, əzmli hərəkət istənilən, gözlənilən effekti verməyəcək. Bununla belə, xoşagəlməz fəsadlar da olmayacaq. Hadisələrin axarını sürətləndirməyə, əməkdaşlıq və ya tərəfdaşlıq etdiyiniz insanlara təzyiq göstərməyə, çoxdan yaranmış münaqişəni dərhal çözmək cəhdləri heç bir nəticə verməyəcək. Olayların öz axarı ilə cərəyan etməsinə maneələr yaratmayın.

Sadəcə, cari işlərlə məşğul olun.

İşlərin istədiyiniz kimi getməməsi sizi qıcıqlandırmasın. Başqalarının təklif etdiyi həll variantının sizin təklifi üstələməsini anlayanda belə, ifrata varmayın, aqressivlik etməyin. Neqativ emosiyalar sizi səhvlərə vadar etməsin.

Əkizlər - səhih davranış modelini sevmək çətindir. Sizə yardım etmək istəyənlərlə sərt davranmayın. Yaxın ətrafınızdakı insanlarla ünsiyyətdə kiçik problemlər yarana bilər. Çətinliklərə sərt reaksiya münaqişəyə səbəb olacaq. İxtilaf və fikir ayrılıqlarının qarşıdurmaya səbəb olmasına rəvac verməyin. Heç bir səbəb olmadan aqressiv davranmayın.

Maliyyə durumu sizi yanıltmasın. Gəlirlər çox olmasa da, vəziyyət pis deyil. Dostlarla təmas üçün yaxşı vaxtdır. Özünüzü yaxşı hiss edə biləcəyiniz yeri seçin.
 

Xərçəng - cari işləri yerinə yetirmək üçün əlverişli zamandır. Əyləncə və istirahət niyyətinə aldanaraq həllini tələb edən problemi qulaqardına vurmayın. Sizə maraqlı təsir bağışlayan işi birgə yerinə yetirmək üçün həmfikir və ya müttəfiq tapın.

Evdə kiçik anlaşılmazlıqlar və çətinliklər ola bilər. Problemlərin öhdəsindən gələcəksiniz.

Gəlirlər istisna deyil. Çoxdan bəri arzuladığınız əşyanı, nəhayət ki, əldə edəcəksiniz. Sevdiyiniz insanla təmaslarda çətinliklər yaratmayın. Addım və qərarlarınızın motivləri bəlli olmalıdır.

Şir - planlaşdırdığınız işin dərhal alınmaması sizi narahat etməməli, təlaşa salmamalıdır. Əsas məsələ təslim olmamaq, səbrlə, tədricən irəliləməkdir. Dostlar və yaxınlarınıza verdiyiniz vədləri, öhdəliklərinizi unutmayın. Öz maraqlarınız və başqalarının mənafeləri arasında seçim etməlisiniz. Ətrafınızdakı insanların fikrini mütləq nəzərə alın. Xudpəsənd, təşəxxüslü olmayın.

Köhnə dostlarla təmaslarda problemlər yarana bilər. Pul məsələsi anlaşılmazlıqlara səbəb olmasın. Yaşam potensialı səviyyəsi aşağıdır. Yorğunluq səhhətinizdə problemlər yarada bilər. Özünüzü qoruyun, qədərindən artıq iş görməyin.

Qız - yaxşı, uğurlu və əlverişli gündür. Lakin ehtiyatlı olun, duruma nəzarət edin. Nəzərdə tutulmamış alış-verişdə bədxərclik etməyin. Xərcləri minimuma endirin. Yaxşı tanımadığınız insanların xoş sözlərinə rəğmən, onlara etibar etməyin. Məqsədə çatmaq üçün formalaşmış ənənələr çərçivəsindən və qaydalarından məngənəsindən çıxmaq gərəkdir. Bu, sizə xoş gəlməyə bilər.

Peşəkar fəaliyyət müstəvisi ilə bahəm, şəxsi münasibətlərdə irəliləyişə nail olacaqsınız. İstənilən, hətta ən ağrılı məsələlərin müzakirəsinə hazır olun. Güzəşt və kompromisin önəmini anlayın. Ətrafınızdakı insanların gizli istəkləri və niyyətlərindən xəbər tutun. Ünsiyyət, danışıqlar və sövdələşmələr üçün münasib gündür.

Tərəzi - çətin və ya həddən artıq mürəkkəb olmasa da, xoşagəlməz nüanslar yaradacaq gündür. Problemlərin səbəbləri qeyri-stabil emosional fondadır. Sinirlənməyin, kiçik məsələlərə görə təbdən çıxmayın. İndiyədək əla münasibətlərinizin olduğu insanlarla kobud danışmayın. Günün ikinci yarısında fəaliyyət tempini bir qədər azaldın. Mühüm və çətin işlə bir qədər sonra məşğul olmaq mümkündür. Qarışıq hisslər sizi yoracaq.

Ən yaxın insanlarla münasibətlərdə aqressiv olmayın. Şəxsi sərhədlərinizin pozulduğunu düşünüb hücuma keçməyin.

Əqrəb - gərgin və çətin gündür. Lakin dostlar və yardımçıların köməyi ilə problemi həll edə bilərsiniz. Ötənlərə qayıtmaq, bir zamanlar kəsilmiş münasibətləri bərpa etmək istəyi yaranacaq. Amma unutmayın ki, səhvlərin təkrarlanmasına yol verməmək asan deyil. Problemlər daha ciddi formada geri qayıda bilər.

Önəmli məsələləri müzakirə etmək üçün əlverişli zaman deyil. Vədlər verməyin, öhdəliklər götürməyin. Onların əksəriyyətini yerinə yetirmək olduqca çətindir. Məşğul olduğunuz istənilən işdə xırdalıqlara və detallara xüsusi fikir verin. Uğur məhz onlardan asılıdır.

Oxatan - günün ilk yarısı həddən ziyadə uğurludur. Aktiv və enerjili olsanız, çox işlərin öhdəsindən gələ bilərsiniz. Mürəkkəb işlərə çəkinmədən başlayın. Uğursuzluq ehtimalı sizi qorxutmasın. Yaxın ətrafınızdakı insanlar sizə həvəslə yardım edəcəklər. Daşınmaz əmlak məsələsini həll etmək, alış-veriş etmək olar.

Günün ikinci yarısında yarımçıq işləri başa vurun. Qəfil qonaq sizi sevindirəcək.

Kulinar eksperimenti gerçəkləşdirə bilərsiniz.

Oğlaq - arxanızdakı körpüləri yandıraraq məqsədə doğru maniakal qətiyyətlə irəliləməyin. Hədəfə çatmaq üçün sizə inanmayan müttəfiqlə vidalaşa bilərsiniz. İşgüzar münasibətlərdə dəyişikliklər edin. Nüfuzunuzu və mövqelərinizi gücləndirin. Bəzi hallarda ətrafınızdakı insanlara onlardan üstün olduğunuzu göstərə bilərsiniz.

Günün ikinci yarısı təlaşlı xəbər zamanıdır. Soyuqqanlı olun, anın diqtəsinə uyaraq emosional davranmayın. Hər şeyi düşünüb-daşınsanız, ciddi narahatlıq üçün səbəb olmadığını anlayacaqsınız. Uzaq qohumlardan birinin sizin yardımınıza ehtiyacı var.

Dolça - kiçik problemlər və çətinliklər olsa da, ümumən uğurlu gündür. Yaranan problemləri dərhal, təxirə salmadan həll etməyə çalışın. Həmfikir və dostların yardımlarından, dəstəyindən yararlana bilərsiniz. Amma birgə fəaliyyətlə müqayisədə müstəqil çalışmağınız daha çox effekt verə bilər.

Şəxsi münasibətlərdə harmoniyaya nail olun. Yaxınlarınızla təmaslar sizi sevindirəcək, xoş anlar bəxş edəcək. Uzaq qohumlar qonaq gələ bilər.

Günün ikinci yarısında dəyərli hədiyyə və ya gəlir istisna deyil.

Balıqlar - imkanlarınız və potensialınızın dürüst qiymətləndirilməsi sizi yanlışlıqdardan qoruyacaq. Əvvəlcə intuisiyanıza, sonra isə ətrafınızdakı insanların dediklərinə və mövqelərinə inansanız, müdrik addım atmış olarsınız. Kənardan absurd görünən addımlar ata bilərsiniz. Lakin nəyi nə üçün etdiyinizi bilin.

Gəlir istisna deyil. Eyni zamanda ciddi məsrəfldər də ola bilər. Alış-veriş etmək olar.

Nəqliyyat vasitəsini idarə edərkən, yolda olanda ehtiyatlı davranın. (Milli.Az)

Oxumağa davam et
Reklam

Gündəm