Xəbərlər - Publika.az
Bizi izləyin

Qoroskop

Günün ULDUZ FALI: dəyişikliyə səbəb ola biləcək hadisə yaşanacaq

Publika.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - Məhsuldar iş günüdür. İşlər çox olacaq, amma ruhdan düşməyin. Məşğul olduğunuz cari işlər, gerçəkdən də, önəmlidir. Darıxmayın, pərişanlığa qapılmaın. Gəlirləri artırmaq imkanları yaranır. Yeni işgüzar tərəfdaşlar tapmaq olar. Seçdiyiniz yoldan sapmayın, əməllərinizdə və qərarlarınızda ardıcıl, qətiyyətli olun. İntizamı unutmayın. Xoşagəlməz işi təxirə salmaq, bəyənmədiyiniz insanlarla görüşə getməmək istəyinə qapılmayın.

Dəvət aldığınız tədbirə qatılın. Orada siz vaxtınızı xoş keçirəcək, yeni tanışlıqlara nail olacaqsınız. Yaradıcılıq potensialınız yüksəkdir. Bir sıra hadisələr, insanlar və məqamlarla bağlı mövqeləriniz maraqlıdır. Yaxın ətrafınızdakı insanlar əməllərinizi bəyənəcəklər.

Buğa - Xaotik hərəkət etməyin. Əvvəlcədən hazırladığınız plana riayət etməyi unutmayın. Hətta ən kiçik məsələlərdə də intizamlı olun. Adi günlərlə müqayisədə daha mühafizəkar olun. Qaydaları pozanlarla yox, ənənələrə riayət edənlərlə birgə işə başlayın. Nüfuzlu şəxslərlə görüşmək, potensial investor və ya işgüzar tərəfdaşla danışıqlar aparmaq olar.

Yeni iş yeri sahibi ilə danışıqlar, müzakirələr uğurlu ola bilər.

Maliyyə məsələlərini sürətlə həll edin. Alış-veriş və investisiyalar üçün əlverişli zamandır. Yaxınlarınız sizi qəribə laqeydlikləri, bütün diqqəti öz işlərinə yönəltməkləriylə təəccübləndirə bilərlər.

Əkizlər - Günün hadisələri sizi sevindirməyəcək. Planlarınızın bəzilərindən imtina etmək və ya onlara ciddi dəyişikliklər etmək məcburiyyətində qalacaqsınız. Yaranmış situasiyaya uyğunlaşmağa çalışın. İşlə yanaşı, evdəki münasibətlərdə də çətinliklər yarana bilər. Sizi diqqətlə dinləyəcək insana ehtiyacınız var. O sizə heç bir məsləhət verməməlidir. Sadəcə, dəstəklə kifayətlənməlidir.

Günün ikinci yarısının emosional fonu əlverişli deyil. İstəsəniz, əhvalınızı yaxşılaşdıra bilərsiniz. Maraqlı məşğuliyyət kefinizi yaxşılaşdıracaq. Nə qədər məşğul olsanız da, özünüzə vaxt tapın.

Xərçəng - Yeni işlərə başlamaq üçün əla gündür. Uğur qazanacağınıza əsla şübhə etməyin. İntuisiyanız sizi aldatmayacaq. Özünə güvənməyən insanlar sizin yolunuzu təkrarlamağa çalışacaqlar. Hansısa mühüm işi reallaşdırmağa başlayanda bu şəxslər etibarlı müttəfiqlər ola bilərlər.

Səfər və ya səyahət yaxşı alınacaq. Onlar yeni təəssüratlar və maraqlı tanışlıqlar vəd edir. Adi günlərlə müqayisədə bədxərclik etməyin. Ehtiyac duymadığınız əşyalara pul xərcləməyin. Soyuqqanlı, məntiqli olun.

Şir - Qüvvənizi toplayın. Bu gün aktiv səylərə ehtiyac var. Qarşılaşdığınız sınaqları qətiyyətlə dəf edin. Çətinliklər ciddi işlərlə yanaşı, xırda məsələlər və detallarda da yarana bilər. Kiçik problemlər sizi xüsusilə qıcıqlandıra bilər. İşdə həmkarlarla dil tapmaq asan deyil. Münaqişə riski artır.

Şəxsi münasibətlər müstəvisində vəziyyət daha yaxşıdır. Burada müsbət təmayüllərin təsiri daha güclü olduğundan özünüzü rahat hiss edəcəksiniz.

Axşam saatları ailəvi istirahət, maraqlı birgə məğşuliyyət üçün yaxşıdır.

Qız - Uzunmüddətli perspektivə hesablanmış planlar qurmaq, mühüm qərarlar qəbul etmək olar. Yaranmış situasiyanı dürüst qiymətləndirin. Vəziyyətin inkişafını və öz qüvvələrinizi, potensialınızı incələyin. Çox işləri müstəqil görməli olacaqsınız. Əfsuslar olsun ki, bu gün hətta ən yaxın müttəfiqlərinizə və silahdaşlarınıza bel bağlaya bilmirsiniz. İşlər çox olsa da, onlar sizi həddən ziyadə yormayacaq.

Aktiv olun, enerjili çalışın.

Yeni investor və ya nüfuzlu hami tapa bilərsiniz. Maliyyə duyumunuz bu gün xüsusilə iti olmalıdır. Bu səbəbdən pulla bağlı məsələlərdə yanlışlığa yol verməyin.

Tərəzi - Yaddaqalan, qeyri-adi gündür. Fantaziyanızı, təxəyyülünüzü işə salın. İstənilən problemin həllinə, işin görülməsinə yaradıcı yanaşın. Qərarlarınız və əməllərinizin bəziləri yaxın ətrafınızdakı insanları təəccübləndirəcək, hətta şoka salacaq. Sizə sürətlə rəğbət bəsləyəcəklər. Yaşamınızda əhəmiyyətli dəyişikliyə səbəb ola biləcək hadisə yaşanacaq.

Səfər və səyahətlər üçün münasib gündür. Harada olsanız da, özünüzü naqolay, narahat hiss etməyin. Kiçik çətinlikləri və problemləri nəzərə almayın.

Pozitiv emosiyalar daha çox olacaq.

Əqrəb - Rəğbətini qazanmaq istədiyiniz insanlarla görüşmək üçün əlverişli zamandır. Danışdığınız şəxslərdə özünüzlə bağlı xoş hisslər yaratmağa çalışın. Yeni, maraqlı tapşırıqların alınması, sifarişlərin əldə olunması istisna deyil. Karyeranızda irəliləyiş ola bilər. Yeni işə başlayıbsınızsa, həmkarlarla asanlıqla dil tapacaqsınız.

İctimai və siyasi proseslərə marağınız artırsa, bunun sonrasındakı hadisələrə hazır olun. Diqqət mərkəzində olacaqsınız.

Axşam saatlarında aktiv istirahəti seçin.

Oxatan - Sizə əsla maraqlı təsir bağışlamayan işlərlə məşğul olmaq məcburiyyətindəsiniz. Əyləncə və istirahət planlarını təxirə salın. Niyyətlərin ertələnməsi sizi qıcıqlandırmamalıdır. İşdə rəhbərliklə münasibətlərdə çətinliklər yarana bilər. Üsyankar əhval-ruhiyyənizi cilovlayın, vəzifəcə sizdən böyük olanlarla aşkar qarşıdurmaya başlamayın.

Şəxsi münasibətləriniz daha harmonikdir. Yanınızda olanların sizə rəğbəti böyükdür. Nikbin olun, ruhdan düşməyin. Axşam saatlarında sizi xoş sürprizlər gözləyir.

Oğlaq - Önəmli, məsuliyyətli, amma o qədər də çətin olmayan gündür. Nəyi niyə etdiyinizi anlayın. Fəaliyyət istiqamətini intuisiyanız göstərəcək. Yaşamınızdan şikayətlənməyin. İşdə həmkarlar və rəhbərliklə münasibətlərinizin harmonik olmasına çalışın. Sizi təxribata çəkən yaramaz, ləyaqətsiz insanın felinə düşüb emosional davranmayın.

İşdə qarşınıza qoyduğunuz məqsədə çatmağa çalışın.

Günün maliyyə fonu əlverişlidir. Nəzərdə tutmadığınız gəlir əldə edə bilərsiniz. Alış-veriş etmək olar. Pulu məntiqli şəkildə xərcləsəniz, çoxlu pozitiv emosiyalar alacaqsınız.

Dolça - Peşəkar fəaliyyət müstəvisindəki məsələlərin həlli, işgüzar görüşlər, karyeranızın inkişafının asılı olduğu insanlarla təmaslar üçün əlverişli zamandır. Dəvət aldığınız tədbirə qatılın. Orada həmfikir və müttəfiqlə yanaşı, yeni dost tapa bilərsiniz. Yeni tanışlıq uğurlu olacaq.

Yüksək zövq, qüsursuz davranış, həssaslıq və qayğıkeşlik bu gün əsas məziyyətləriniz olmalıdır. Romantik görüş zamanı əks tərəfdə xoş təəssürat yaradacaqsınız.

Balıqlar - Aktiv və praktik olun. Cari məsələləri həll edin, uzunmüddətli planlar qurun. Yeni ideyalar sadə olmalıdır ki, onları reallaşdırmaq çətinlik yaratmasın.

Sizdən tələb olunan məsələ etibarlı müttəfiq seçməkdir. Bu yöndə intuisiya sizə yardım edəcək. Əməlləriniz və fəaliyyətiniz yaxın ətrafınızda olan insanlarda ciddi maraq yaradacaq. Tənqidlərə əsla fikir verməyin, işinizlə məşğul olun.

Bilik, təcrübə, yeni bacarıqlara yiyələnmək üçün əlverişli gündür. Yaşam təcrübəsindən yararlana biləcəyiniz insanlarla tanış ola bilərsiniz. İşgüzar və şəxsi xarakterli görüşlər uğurlu nəticələr verəcək.

Milli.Az

Rəylər
Oxumağa davam et
Reklam

Qoroskop

Günün ULDUZ FALI: axşama doğru səhhətiniz korlana bilər

Publika.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - təslim olmaq fikrində deyilsiniz, bir cəngavər kimi mənfi tendensiyalarla savaşırsınız. İnadınız təqdirəlayiqdir. Amma bir düşünün, qüvvənizi nəyə sərf edirsiniz? Bu, o qədər vacibdir? Hələ ki, gec deyil, özünüzə gəlin.

Əvalınız da sevindirmir. Yaxşı olar ki, ağır işdən çəkinəsiniz. Kompüter qarşısında çox oturmayın, alkoqol və yağlı yeməkdən uzaq durun. Amma eyni zamanda bütün diqqəti sağlamlığa yönəltmək olmaz. Məsələn, bu gün arıqlamaq üçün ac qalmaq heç məsləhət deyil.

Buğa - siz bu gün göylərin himayəsindəsiniz. Rəqiblərinizi qabaqlamaq sizə çətin olmayacaq: onların öz problemləri və daxili münaqişələrinə başları qarışmaqdaykən siz öz məqsədinizə doğru inam və asanlıqla addımlayırsınız. Günün maliyyə vəziyyəti ürəkaçandır.

Çox uzaqlardan xoş xəbərlər ala bilərsiniz. Bir çox Buğalar həyatlarını kökündən dəyişməyin vaxtı gəlib çatdığını anlayacaqlar. Sevdiyiniz şəxsdən gözəl təklif ala bilərsiniz. Günün ortası tanışlıqlar üçün münasibdir, bunların istənilən biri romantik axarda davam edə bilər.

Əkizlər - şübhələr, həyəcanlar başınızı qatıb. Arzularınız və istəkləriniz təzadlıdır. Odur ki, bir saatın ərzində bir neçə fikir dəyişir, çabalayırsınız. Bununla paralel olaraq əhvalınız da yo-yo kimi "atılıb-düşür". Sizi anlamaq çətindir. Yalnız sizi həqiqətən sevənlər kaprizlərinizə sakit yanaşır, əsəblərini cilovlayırlar.

Qərarsızlığınıza hakim olun, hövsələnizi basın, bir yerdə oturun. Yarımçıq işləri atmaq məsləhət deyil. Əgər hansısa layihəni bitirəcəyinizə əmin deyilsinizsə, ona heç əl vurmayıb başqa zamana saxlayın.

Xərçəng - çox mürəkkəb gün olsa da, ondan faydalanmaq mümkündür. Əsas odur ki, əvvəlcədən uğursuz görünən layihələrə baş qoşmayasınız. Çalışın, heç olmazsa, nəzəri cəhətdən dəyərli nəticələr verə biləcək işlərə köklənəsiniz. Günün ikinci yarısı Xərçənglərin əksəriyyəti onları çox sevindirəcək bir xəbər alacaq.

Bu ərəfədə, həmçinin ciddi maneələri aşmalı olacaqsınız. Sizdən yalnız inad tələb olunur. İlk uğursuzluqdan sonra qol-qanadınız həmən yanınıza düşməsin, yaxşı olar ki, kimisə köməyə çağırasınız.

Şir - bu gün heç kimlə ünsiyyətiniz alınmır, xüsusilə də işgüzar danışıqlarda. Sonuncuları təxirə salın: əvəzsiz tərəfdaş kimi qəbul etdiyiniz şəxslərlə də savaşa bilərsiniz. Rəhbərliklə fikir ayrılığı meydana gələcək. Bəzi Şirlər hətta onları daha çox qiymətləndirəcək başqa iş yeri də axtarmaq istəyəcəklər.

Yaxın adamlarınızla isə daha yaxşı dil tapırsınız. Sizi, doğrudan da, sevənlər sizə məhz nəyin lazım olduğunu həmən anlayırlar. Dəyərli hədiyyələr, xoş sürprizlər, qəfil dəvətlər - günün ikinci yarısının sizə töhfəsi bunlardır. Axşama doğru səhhətiniz korlana bilər.

Qız - planlaşdırdığınızdan daha az iş görüb çatdıra bilirsiniz. Çünki bir çox məslələlər qəfil meydana çıxır və onları tez həll etmək lazım gəlir. Həmfikir və köməkçiləriniz çoxdur. Çifayda, heç biri təşəbbüs göstərmir və yalnız sizin əmr və göstərişlərinizi gözləyirlər.

Günün ikinci yarısı ciddi pul xərcləri gözlənilir. Kədərlənməyin, bunun əvəzində daha dəyərli və faydalı bir şey əldə edəcəksiniz. Emosional fon pis deyil, heç xoşunuza gəlməyən adamlarla da yola gedirsiniz. Axşam vaxtı ünsiyyətlərinizdə diqqətli olun, yalnız yaxınlarınızla söhbətlə kifayətlənin.

Tərəzi - işlər pis getmir. Ambisiyalı, məqsədyönlü adamlar üçün yaxşı gün sayılmaz. Çünki iş həyatında uğur qazanmaq elə də asan deyil. Əvəzində yaradıcı ideyaların, eyni zamanda çox cürətli planların həyata keçirilməsi üçün münasib vaxtdır. Bu gün daha çox sizə nəsə yeni bir şey öyrədə biləcək insanlarla ünsiyyət qurun.

Yaxınlarınız sizi başa düşməkdə çətinlik çəkirlər, münasibətlərdə gərginlik artır. Ancaq qəmlənməyə dəyməz, açıq söhbət hər şeyi yoluna qoyar. Kimdəsə özünüzə qarşı yaxşı təəssürat yaratmaq istəyirsinizsə, onunla axşama görüş təyin edin.

Əqrəb - ehtiyatlı olun, tempinizi azaldın, lap parovozun önündə qaçanlara oxşayırsınız. Təbii ki, bu hal çox təhlükəlidir. Bəzi planlaşdırılmış işləri yarımçıq qoymaq lazım gələcək. Çünki əməkdaşlıq etməyə hazırlaşdığınız şəxslər çatdırmır və gecikirlər. Yaranan boş vaxtı isə özünüzün şəxsi planlarınızın hazırlanması üçün istifadə edin.

Günün ortasında əhvalınız qəfil dəyişə bilər, qalan vaxtlarda isə stabil olacaq. Flirt üçün pis gün deyil. Amma əsl eşq macərasına ümid etməyin.

Oxatan - dostları, tərəfdaşları və müttəfiqləri seçərkən ehtiyatlı və diqqətli olun. Bu gün insanların çatışmayan cəhətləri asanlıqla gözünüzdən yayınır. Hətta aşkar olanı görmürsünüz. Bəzi Oxatanlar həyata keçirilməsi mümkün olmayan işləri üzərlərinə götürəcəklər.

Bu gün sadəlövhlüyünüz başınıza bəla aça bilər: etibarınızdan yararlanan düşməniniz sizi çətin bir oyuna salar. Sevdiyiniz şəxsin məsləhətlərinə diqqətlə qulaq asın, məhz o sizi qorumağa çalışır.

Oğlaq - neytral gündür. Yalnız gücünüz çatan işlərdən yapışın və yalnız özünüzə güvənin. Sizə kömək etməyə söz verən adamlar hansısa səbəblərdən (istəməyərək və ya qəsdən) vədlərinə xilaf çıxacaqlar. Maliyyə itkiləri gözlənilir.

Enerjiniz çoxdur. Yorğunluğun nə olduğunu bilməyəcəksiniz. Aktiv istirahət, gəzintilər, idman bu gün sizə gərəkli və faydalıdır. Əyləncəli məkanlara da gedə bilərsiniz, daha çox ayaq üstə olacağınız məkanı seçin.

Dolça - xüsusi bir planı olmayanlar üçün gün çox uğurludur. Amma əgər möhtəşəm ideyalarınız varsa, onları bir kənara qoyun. İş görüşləri sizin təxmin etdiyiniz kimi keçəcək, başgicəlləndirici təkliflər heç gözləməyin, amma qarşılıqlı sərfəli sövdələşmələr mümkündür.

Dostlarınız və ailə üzvlərinizlə ünsiyyət, əyləncəli tədbirlərdə iştirak əhvalınızı yüksəldəcək. Həm özünüzün, həm də başqalarının qayğısına qalırsınız. Köhnə tanışlarınız sizi hədiyyə ilə sevindirəcəklər.

Balıqlar - bu yaxınlarda buraxdığınız səhvlərin düzəldilməsi üçün münasib gündür. Canfəşanlıq etmək lazım deyil. Üstəlik, bəzi işlərinizdə köməkçiləriniz və müttəfiqləriniz sizə yardımçı olacaqlar. Gələcək planların müzakirəsini aparın: bu gün əldə etdiyiniz razılaşmalar sizi bir çox qayğıdan qurtaracaq.

Səfərlərə çıxa bilərsiniz. Amma bilet alınması, sənədlərin hazırlanması və s. kimi işləri yaxşı olar ki, başqalarına tapşırasınız. (Milli.Az)

Oxumağa davam et

Qoroskop

Günün ULDUZ FALI: qəfil çətinliklərlə qarşılaşa bilərsiniz

Publika.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir. 

Qoç - proseslər üzərində tam nəzarətə malik olduğunuzu düşünməyin. Belə kontrol hissi illüzordur. Xəyallara aldanmayın. Gərəkli vaxtda lazımi yerdə olmaq üçün bütün imkanlardan istifadə edin.

Yaxın gələcəklə bağlı perspektivlərinizi dəyərləndirin. Qəfil xəbərlərdən maraqlarınız üçün istifadə edin. Mühüm olay yaşanacaq.

Günün ikinci yarısındakı hadisələr, situasiya təsadüfi deyil.

Həmkarlar və dostlarla aktiv təmaslarda olun. Ehtiyac duyduğunuz məlumatları əldə etməyə can atın. Tələsik təmaslarda heç bir fayda yoxdur.

Buğa - şəxsi münasibətlər üçün birmənalı zaman deyil. İşgüzar danışıqlarda sadəlövhlük yolverilməzdir. Hadisələrin istənilən məcrada inkişafına hazır olun. Gərgin, çətin zamandır.

Günün ikinci yarısında yeni işlərə başlamağa tələsməyin. Çətin, riskli işə başlamazdan əvvəl zəruri dəstəyi almağı unutmayın. Yalnız bələd olduğunuz fəaliyyət növünü seçin.

Köhnə və sınanmış əlaqələri bərpa edin. Çoxdan gözlədiyiniz məlumatı alacaqsınız. Axşam saatlarında stressdən qurtulun.

Əkizlər - günün ilk yarısında yeni layihəyə başlamaq olar. Diqqətli və sayıq olun. Yarımçıq işləri başa vurmasanız, onlar əlavə yüklərə çevriləcəklər.

Münasibətlərdə böhran yaşanır. Nəzərdə tutduğunuz məsələnin həllini ertələməyin. Hadisələrin ritmi dəyişir. Situasiyaya uyğunlaşın.

Günün ikinci yarısında böyük ümidlər bəslədiyiniz planları daha əlverişli zamanadək ertələyin. Yeni yanaşma, dərin təhlil tələb edən işlərdə sərvaxt olun. Alınmayan, əvvəllər vaxt azlığından problemin həlli üçün pis vaxt deyil.

Axşam saatlarında enerji səviyyəniz yüksək olacaq. Əlavə motivasiyaya ehtiyac yoxdur.

Xərçəng - günün ilk yarısında əsəblər tarıma çəkiləcək. Emosiyalarınıza hakim olun, hisslərə qapılmayın. Mühafizəkar, retroqrad insanların təsirinə düşməyin. Fəaliyyətiniz təftiş və təhlil tələb edir. Hesabatlarda dəqiq olun.

Borcları qaytarın, vədləri yerinə yetirin.

Günün ikinci yarısında yaşamızın müəyyən sahələrini qaydaya salın. Əsas planın icrasına başlamaq olar.

Yaxınlarınıza qarşı sərt iradlar irəli sürməyin. Ən önəmli məsələnin həllinə başlayın.

Səhhətinizin qeydinə qalın. Rasionunuza nəzarət edin. Yarımçıq işi bitirin.

Şir - xoşagəlməz situasiyanı əvvəlcədən planlaşdırmağa çalışın. Nəzərdə tutduğunuz işlərdə qəfil dəyişikliklər olacaq. Hisslərinizə hakim olun, emosiyalara qapılaraq sonradan peşmançılıq hissi yaradacaq addım atmayın. Dünən sizə maraqlı ətir bağışlayan adam bu gün arxa plana düşə bilər.

Günün ikinci yarısı alış-veriş üçün əlverişli deyil. Detalları və təfərrüatları dəqiqləşdirməmiş yeni əməkdaşlığa başlamayın. Təhlükəsizliyin təminatı detalların araşdırılması ilə bağlıdır.

Şəxsi münasibətlərdə sentimentallıq dövrü başlanır. Sevdiyiniz insanla diqqətli, qayğıkeş olun. Axşam saatları romantik hisslər istisna deyil.

Qız - stansionar proseslərdən uzaqlaşın, aktiv olun. Qəfil xəbərə, uzaqdan gələn məlumata diqqət yetirin. İrəliyə doğru hərəkətinizə mane olan, planlarınıza zərər verən nüansları müəyyənləşdirin. Diqqət, sərrastlıq, dəqiqlik tələb edən işlərlə məşğul olun.

Sizi zinhara gətirən, artıq usandığınız məsələdə günün ikinci yarısında ciddi dəyişikliklərə nail olmaq mümkündür. Qətiyyətli və iradəli olun. Fikrinizi mənasız işlərə yayındırmayın.

Maraqlı ideyalar, tapıntılar istisna deyil. Başladığınız işləri yarımçıq qoymayın.

Tərəzi - ehtiyatlı olun, bələd olmadığınız situasiyalarda özünüzü itirməyin. Risk məsləhət deyil. Yalnız nəyisə düzəltmək, durumu xilas etmək üçün avantüraya qapılmaq olar. Yaxınlarınızı diqqətsiz qoymayın.

Soyuqqanlı, laqeyd, "balıq qanlı" adam təsiri bağışlamayın.

Günün ikinci yarısında məqsəd, maraq və ya hədə dəyişə bilər. İndiyədək sizə cazibədar, maraqlı təsir bağışlayan işlərə pul xərcləməyin. Alış-verişdə bədxərclik etməyin. Aradığınız əşyanı və ya məhsulu bir qədər sonra daha ucuz qiymətə tapa bilərsiniz.

Axşam saatlarında şəxsi münasibətlərdə maraqlı rakurs yaranacaq. Ötənlərdə yaşanmış hadisələrdən biri gündəmə gələcək. 

Əqrəb - günün ilk yarısında işlərdə qarışıqlıq, laübə yaranacaq. Nevroz durumlarda təmkinli olun. Ailə üzvlərinizdən birinin problemi var. Yaxınlarınızla münaqişəli vəziyyət yaratmayın. Situasiya stabil deyil. Nə isə dayanır, hansısa proseslərdə sədlər və maneələr formalaşır. Bəzi işləri məcburiyyət qarşısında qalaraq təxirə salmalı olursunuz.

Günün ikinci yarısında vəziyyəti normallaşdırmaq üçün ahəstə şəkildə çalışın, tələsməyin. Alış-verişi, maliyyə əməliyyatlarını ertələyin. Borc verməyin, borc almayın.

Maliyyə müstəvisində tərəfdaş və ya şəriklə qarşıdurma yaratmayın. İnciklik olmasın deyə axşam saatlarında önəmli məsələ ilə bağlı müzakirələrə başlamayın.

Oxatan - hadisələrin burulğanında mövqelərinizi itirmək istəmirsinizsə, iradəli və qətiyyətli olun. Şərait sizdən bunu tələb edir. İntuisiyanıza güvənin. Olayları diqqətlə müşahidə edin. Yaşam sizə konkret siqnallar verir.

Günün ikinci yarısında çoxlu məlumatlar alacaqsınız. İnformasiya bolluğu ləngimələr, təxirəsalmalar, qarışıqlıq yaratmamalıdır. Gözləntilərinizdə yanıla bilərsiniz. Yarımçıq işləri sıralamayın.

Yaxın ətrafınızdakı insanlardan birinin sizə deyiləsi sözləri var. İtirilmiş mövqeləri qaytarmaq, zədələnmiş əlaqələri bərpa etmək olar. Məsləhətləri dinləyin. Söhbət əsnasında uzun-uzadı monoloqlardan çəkinin.

Axşam saatlarında nəyisə dəyişməyə, yeni layihənin icrasına başlamağa tələsməyin. Alış-veriş üçün uğursuz zamandır.

Oğlaq - günün ilk yarısı situsiyada köklü dəyişikliklər və paradoksal yenilənmələr ola bilər. Texnika ilə ehtiyatlı davranın. Risk etməyin, münaqişələrə qatılmayın. Diqqətinizi indi maraqlı təsir bağışlamasına rəğmən, ikinci dərəcəli məqamlara yönəltməyin. Potensialınız zəngindir. Şanslardan yararlanın.

Günün ikinci yarısında sporadik problemlərin həllinə yetərincə vaxt ayırın. Situasiyaya kəskin müdaxilə etməyin. Müvazinət dayanıqlı deyil. Fəaliyyət prosesində çətinliklər yaranarsa, gərgin anın bitməsini gözləyin. Mümkün qədər çox məlumat toplayın.

Dolça - günün ilk yarısı sakit, rəvan deyil. Müxtəlif xəbərlər və təcili informasiyalar başqa günədək ertələdiyiniz məsələlərin təcili həllini tələb edir. Yeni layihəni ən azı 3 həftə təxirə salın.

Yanılmaq, səhv etmək riski az deyil. İlk baxışdan maraqlı, amma bələd olmadığınız işlə məşğul olmayın. Düşünülməmiş addımlar atmayın, tələsik qərar verməyin.

Günün ikinci yarısı maliyyə əməliyyatları, sərmayə, alınan məlumatlardan dəyərləndirilmədən istifadə üçün münasib deyil.

Uzunmüddətli layihələrin taleyini həll etməyə çalışmayın.

Hadisələrin axarına süni müdaxilələr etməyin.

Balıqlar - nəzərdə tutulmamış, qəfil çətinliklərlə qarşılaşa bilərsiniz. Planların həyata keçirilməsində problemlər yaranır, maneə və sədlərin sayı artır. Perspektivlər dumanlı forma alır.

Səfər, layihə və ya yeni işi təxirə salın.

Günün ikinci yarısında situasiyaya kənar təsirlərdən yanlış istifadə etməyin. Şərtlərdən yararlanın. Olaylara sürətli reaksiya problemlərin effektiv həllini təmin edəcək.

Axşam saatlarında normal istirahət edin. (Milli.Az)

Oxumağa davam et

Qoroskop

Günün ULDUZ FALI: xəyanətlə qarşılaşa bilərsiniz

Publika.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir 

Qoç - İşiniz üçün faydalı ola biləcək informasiya və ya məlumat axtarmağa başlayın. Məsləhətləşmə, toplantı, yazışma, işgüzar tərəfdaşla görüş üçün əlverişli zamandır. Xəbərlər arasında sizi narahat, nigaran edəcək məqam ola bilər.
Bəzi planlardan imtina edərək ehtiyat variantı reallaşdırmağa başlayın.
Səfər və səyahət, dostlarla görüş üçün əlverişli vaxtdır.
Gərgin situasiyalarda sözdən işə keçin, nigarançılığı dağıdın, suallarınıza birmənalı cavab alın.
Müəyyən illüziyalardan qurtulmağınız istisna deyil. Yeni məqsədlər tapın.

Buğa - Çətin, mürəkkəb, gərgin gündür. Lakin bütün diqqətinizi işə yönəldərək boş söhbətlərə və dedi-qodulara vaxt ayırmasınız, yaxşı nəticələrə nail ola bilərsiniz.
İntrovert olmayın, fikirləriniz bitkin forma alsın, gələcəklə bağlı planlar qurun. İşgüzar toplantılara qatılın, problemləri həll etməyə çalışın, yazışmalarda diqqətli olun.
Uzaqda yaşayan insanlardan biri sizə sürpriz xəbər yollaya bilər.
Ev işləri, ailə tədbirləri, alış-veriş üçün xeyirli vaxtdır. Lakin bədxərc olmayın.

Əkizlər - Təlimata, qaydaya və düzənə riayət edin. Yaxın ətrafınızdakı insanlarla münasibətlərdə müəyyən ağırlığa rəğmən, hadisələrdən tam narazı qalmayın.
İndi situasiyada müsbət dəyişikliklər etmək imkanı var. Günün maraqlarını nəzərə alın. Eyni zamanda perspektivi unutmayın, danışıqlar aparın, faydalı ola biləcək detalları unutmayın.
Rəhbərliklə önəmli söhbət olmalıdırsa, qətiyyətli olun, maraqlarınızı qoruyun. Səfər, birgə fəaliyyət, məlumatın təhlili, tədbirlərə hazırlıq baxımından əlverişli gündür.
Tərəf-müqabillik münasibətləri çərçivəsində qarşılıqlı fəaliyyətin çərçivələrini genişləndirməyin yollarını düşünmək olar.

Xərçəng - Yaşamınızda yeni intriqa peyda olur, gərginlik artır. Bütün ziddiyyətlərin sülh yolu ilə həll olunacağını düşünməyin. Sizi mübahisə və qəfil problemin aradan qaldırılmasına yönəlmiş təcili iş gözləyir.
Əks tərəfdəki şəxs sizə qalib gəlmək üçün yasaq metod və çirkin fəndlərdən istifadə edə bilər. Çətin olsa da, səbrli və soyuqqanlı davranın, müdrik olun.
Təsir edə bilmədiyiniz şərtlərin təfərrüatları bəlli olacaq. Çətin situasiyada güzəştə getməkdə qəbahət yoxdur. Qalmaqala meylli insanlardan uzaqda durun.
Tək çalışmağınız məsləhətdir. Pozitiv dəyişikliklər tərəfdaşlar, onların ideyaları və təşəbbüsləri ilə bağlı ola bilər.
Onların qərarları ilk əvvəldən əsl avantüra təsiri bağışlasa da, etiraz etməyin.

Şir - Bəzi emosiyalarınızı pərdələyin, rasional davranın. Yaxın ətrafınızdakı insanları müşahidə edin. Tərəfdaş və ya həmkarınızın maraqları, problemlərini düşünsəniz, yaxşıdır.
İnandığınız insanın təşəbbüsünü qəbul edərək hadisələrin axın məcrasına müdaxilə etməyin. Təkliflər və yeni imkanları nəzərdən keçirməyə dəyər.
Münasibətlər etibarlı deyilsə, istənilən xırdalıq səbr kasasını dolduracaq son damla təsiri bağışlaya bilər. Etibarlı və dayanıqlı müstəvi aradığınız yerdə xəyanətlə qarşılaşa bilərsiniz.
Şəxsi və maddi maraqlarınıza bilavasitə təsir etməyəcək işlərlə məşğul olsanız, daha yaxşıdır.

Qız - Yaxın ətrafınızdakı insanların maraqlarına və mənafelərinə sayğı ilə yanaşın. Aqressiv və kobud davranmayın. Münaqişə yaranarsa, onu dərhal həll etməyə çalışın.
Kollektiv fəaliyyətə üstünlük verin. Yaradıcılıq və romantik hisslər müstəvisində irəliləyiş ola bilər. İş yerində qayda yaradın. İşlərinizin çox olması sizdə stres yaratmasın.
Nevroz situsiya bəzi işlərin yarımçıq qalmasına səbəb ola bilər. Yüksək enerji dalğasında müəyyən işi çox sürətlə görərək başa vurmaq, həmin işə tərəfdaşı da cəlb etmək imkanı var.
İstənilən situasiya və şərtdən maksimum fayda əldə etməyin yollarını düşünün.

Tərəzi - Yaxın ətrafınızdakı insanların hər biri öz "zirvə"sini fəth etməyə çalışdığı vaxtda siz işlərinizi aramla, təmkinlə, düşünülmüş şəkildə görün.
Tələsməyin, emosional olmayın. Bəzi gecikmələr və qarışıqlığa rəğmən, işgüzar və digər maraqların sizi yaxınlaşdırdığı insnalarla təmaslar ilginc olacaq.
Romantik münasibətlərdə bu gün məntiq az, iddialar və tələblər çox olacaq. Gərgin anda ehtiyatlı və soyuqqanlı olun, münasibətləri aydınlaşdırmağa çalışmayın.
Hisslərinizi özünüz gərə bilərsiniz. Amma təmkinli davransanız, bu gün baş verənlər sabah sizə pis yuxu kimi gələcək. Müdrik davranış yaxşı nəticələr verəcək.
Axşam saatlarını ev işlərinə, çətin problemin çözülməsinin başa çatdırılmasına sərf edin.
Əyləncə və istirahəti təxirə salmaq olar.

Əqrəb - Səhər saatlarından etibarən çoxsaylı xəbərlər və təmaslar olacaq. Dərindən həllini tələb edən situasiya yaranarsa, həmin müstəvidə nizama və qaydaya nail olun.
Hadisələr istiqamətini və emosional fonunu dəyişsə də, mühüm işlərin siyahısı dəyişməz qalır.
Axşam saatlarında önəmli xəbər alacaqsınız. O xəbər sizi yeni informasiya aramağa vadar edəcək.
İşdəki perspektivləriniz, maddi durumunuz barədə düşünün. Hətta ən cazibədar təklifə müsbət cavab verməyə tələsməyin.
Axşam saatlarında yaşam arealınızı bir qədər genişləndirin, maraqlı yerdə istirahət etməyə çalışın.

Oxatan - qəfil hadisələrə hazır olun. Yeniliklər yaşanacaq. Qətiyyətli və əzmli davranın, problem yaranarsa, onu dərhal çözməyə başlayın.
Bütün işləri ideal görməyə çalışmayın. Başladığınız işi səliqəli görün və səhih nəticəyə nail olun.
Prosesin özündən həzz alın. Çalışarkən başqalarının çoxsaylı məsləhətlərinə qulaq asın, amma optimal hesab etdiyiniz variantdan kənara çıxmayın.
Axşam saatlarında istirahət edin. İnternetdə vaxt keçirmək, yazışmaq olar. Yeni filmə də baxa bilərsiniz.

Oğlaq - Hadisələr aktiv formalaşma mərhələsindədir. Kənarda qalaraq müşahidəçi mövqeyi tutmayın, konkret nəticələrə can atın.
İşdə diqqətli olun, təlimatlara və intizama riayət edin.
Günün ikinci yarısına yaxın şərtlər planları dəyişə bilər. Dəyişikliklər və yeniliklər fonunda özünüz üçün optimal perspektivi müəyyənləşdirin.
Sabah başlayacağınız işə indidən hazırlıq görün. Heç bir önəmli məqamı buraxmayın, mövqelərinizi gücləndirin.
Şəxsi münasibətlər müstəvisində qayğı, həssaslıq və diqqət tələb olunur.
Hisslərdə gərginlik hiss olunursa, münasibətləri ayırd etməyə can atmayın. Bu, münaqişəyə səbəb olacaq.

Dolça - Gərgin gündr. Diqqətli olun, maraqlarınızı müdafiə edin, mənafelərinizi qoruyun. İşlərinizə və yaşamınıza müdaxilə cəhdləri olacaq.
Kreativ bacarığınız yüksək səviyyədə olsun. Hərəkət və qərarlarınız təmkinli, dəqiq olsun. Sürəkli gərginlik mürəkkəb situasiyalarda enerji itkisinə səbəb ola bilər.
Ehtiyac olmadan risk etməyin. Situasiyanı dərhal normallaşdırmaq gərəkdirsə, yaxınlarınızı və dostlarınızı, yaxud da ailə üzvlərinizi yardıma çağırın.
Xeyli vaxtdan bəri reallaşdırmağa hazırlaşdığınız layihəni indi gerçəkləşdirməyə başlayın. Unutmayın ki, köməkçiyə ehtiyacınız var.
Mexanizm və avadanlıqla çalışanda, yolda, sükan arxasında ehtiyatlı olun.
Münaqişəli vəziyyətdə ətrafdakı insanların maraqlarını qulaqardına vurmayın.

Balıqlar - Planlar çoxdur, lakin görüləcək işlərin həcmini və tapşırıqlarla tələblərin sayını müəyyənləşdirmək gərəkdir.
Ən mühüm işlə kifayətlənin. Fikriniz dağılmasın, bir işi yarımçıq qoyub, başqa işə başlamayın. Tərəfdaşlarınız da fəaliyyət sahəsini genişləndirməkdə qərarlıdırlar.
İşin böyük hissəsini onların görməsinə imkan yaradın. Dəstək verin, amma özünüzü çox yormayın.
Günün ikinci yarısında işlərin çox olması yorğunluq, halsızlıq, iş qabiliyyətinin aşağı düşməsinə səbəb ola bilər.
Əlavə işə başlasınız, yaxın günlərdə həddən artıq yorğun dolaşacaqsınız. İş yerində və fikirlərinizdə qayda yaradın.
Yeni mövzuya impuls verilə bilər. Amma hələlik hər şey ideya səviyyəsindədir. O ideyanın formalaşmasını gözləyin, tələsməyin. (Milli.Az)

Oxumağa davam et
Reklam

Gündəm