Xəbərlər - Publika.az
Bizi izləyin

Sağlamlıq

Bağçaya gedən uşaqların sağlamlığı TƏHLÜKƏDƏ: bunu etməsək... - Professordan XƏBƏRDARLIQ

Türkiyəli professor Mehmet Ceyhan Omikron ştamının qızılca və su çiçəyindən daha yoluxucu olmadığını qeyd edib. 

Publika.az Türkiyə mətbuatına istinadən xəbər verir ki, həkim Omikronun yoluxma əmsalını 4,5-5 qiymətləndirib. 

“Qızılca və su çiçəyinin yoluxma əmsalı 16-18-dir. Onlar niyə yayılmır və böyük pandemiyaya səbəb olmur? Çünki bu viruslara yoluxduqda ömürlük immunitet qazanılır, hətta istifadə edilən peyvəndlər də ömürlük immunitet verir. Lakin Omikron ştamının yaratdığı immunitet çox aşağıdır. Əvvəlki variantlarla müqayisədə daha az immunitet yaradır, sanki immunitetdən gizlənir. Nəticədə Omikron ştamına yoluxan bir xəstə bəzən 2 həftə sonra immuniteti yetəri qədər olmadığı səbəbiylə ikinci dəfə bu virusa yoluxa bilir. Hətta bir ay ərzində 3 dəfə Omikrona yoluxanlar da var. 

Kütləvi immunitet yarandıqdan sonra pandemiyanın bitəcəyi fikri ilə razı deyiləm. Ölkələr qabaqlayıcı tədbirlərini artırır, sərhədlərini bağlayanlar var, ölkəyə girişləri çox yaxşı nəzarət etməyə çalışırlar. Bir qismi 2 PCR testi istəməyə başlayıb. Bir PCR testi ilə ancaq 50 faiz diaqnoz qoya bilərsiniz. Üstəlik, Omikrona yoluxan 100 insan arasında test etsəniz, 100 insandan 50-sini müəyyən edə bilirsiniz”. 

Daha sonra professor əlavə edib ki, yeniyetməlik dövründə olan uşaqlar xəstəliyi ən çox yoluxduran qrupdur. Bu, onların hərəkətli həyat tərzi ilə izah olunur. 

“Hazırda Omikrondan ən çox 0-5 yaş qrupu təsirlənib. Əvvəl alışmadığımız bir yaş qrupudur. Bu yaş qrupunun yoluxmadığını düşündüyümüz üçün bağçalar açıldı, bütün dünya belə etdi. Hazırda bağçaya gedən uşaqların sağlamlığını qorumaq üçün tədbirlər görülməlidir. Heç bir dəyişiklik etməsək, idarəetməni virusun öhdəsinə buraxırıq”, - infeksionist qeyd edib. 

Rəylər

Sağlamlıq

İnsanı depressiv edən qan qrupu açıqlandı

Harvard Universitetinin alimləri genişmiqyaslı araşdırma aparıblar və aşkar ediblər ki, qan qrupu insanın təkcə fiziki sağlamlığına deyil, həm də psixoloji vəziyyətinə və ruh halına təsir edir. Bu isə xəstəliklərə səbəb ola bilər. 

Publika.az xarici mətbuata istinadən xəbər verir ki, elmi işlərin nəticələri “JAMA Psychiatry” jurnalında dərc olunub. Tədqiqatçılar qan qruplarından biri ilə müxtəlif sağlamlıq problemlərinə həssaslıq arasında əlaqə tapıb. Bu dördüncü qrupdur. Məsələ burasındadır ki, tədqiqatın nəticələrinə əsasən bu qan qrupunun depressiv sahibləri çox emosionaldırlar, sinir krizlərinə və ürək-damar xəstəliklərinə meyllidirlər. Qeyd edilir ki, bu xəstəliklər həm müsbət, həm də mənfi Rh faktorunun sahiblərinə xasdır.

Bununla belə, dördüncü qan qrupunun mənfi Rh faktoru ilə birləşməsi hələ də təhlükəli hesab olunur. Belə xəstələrdə yaşla birlikdə demensiyanın inkişaf ehtimalı 82% qiymətləndirilir. Psixoterapevtlər tərəfindən təhlil edilən sorğunun nəticələrindən məlum olub ki, dördüncü qrupun sahibləri narahatlıqdan, depressiyadan başqaları na nisbətən daha çoz şikayətlənirlər, heç bir səbəbə olmasa da, özlərini bədbəxt hiss edirlər.

Oxumağa davam et

Sağlamlıq

İsrailli alimlərdən dördüncü doza açıqlaması: Effekti yoxdur

İsrailin apardığı araşdırmalara əsasən Pfizer/BioNTech tərəfindən hazırlanan “Comirnaty” peyvəndinin dördüncü dozası Omikrona qarşı effektiv deyil. 

Publika.az xarici mətbuata istinadən xəbər verir ki, İsrail alimləri Azərbaycanda da istifadə edilən peyvəndin dördüncü dozasını müəyyən qruplar üzərində sınaqdan keçirməyə başlayıblar. Şeba Tibb Mərkəzinin mütəxəssisləri iki həftə əvvəl peyvənd edilən 154 tibb işçisinin məlumatlarını təhlil ediblər və peyvəndin dördüncü dozasının “çox az” qorunma təmin etdiyi qənaətinə gəliblər. Təl-Əvivdəki elm adamları peyvəndin dördüncü dozasının Omikron variantına qarşı qoruyuculuğunun aşağı olduğunu açıqlayıblar. Tədqiqata rəhbərlik edən Gili Regev-Yoçay dördüncü dozanın Omikron variantına qarşı qismən qorunma təmin etdiyini qeyd edib: 

“Peyvənd əvvəlki variantlara qarşı effektiv idi, lakin Omikron variantına qarşı daha az təsirlidir. Amma biz gördük ki, sınaq müddətində peyvənd olunanlar xəstələnsələr belə, onlarda simptomlar az olur və ya ümumiyyətlə olmur. Risk qrupunda olanlara dördüncü vaksin dozasının verilməsi düzgün qərar idi, lakin nəticələrimiz göstərdi ki, bunu bütün cəmiyyətə verməyə ehtiyac yoxdur” . 

Məlumat üçün bildirək ki, dekabrın sonunda vaksinlərin artması ilə İsrail 60 yaşdan yuxarı və immuniteti aşağı olan insanlara dördüncü doza peyvəndi tətbiq edib, rəsmi məlumatlara görə, təxminən 500 min insana gücləndirici doza peyvənd vurulub. 

Oxumağa davam et

Sağlamlıq

Vasserman güclü yaddaşın sirrini açdı

Dövlət Dumasının deputatı, publisist və siyasi məsləhətçi Anatoli Vasserman bildirib ki, müxtəlif mövzuların öyrənilməsi böyük həcmdə məlumatın yaddaşda qalmasının zəmanətidir. 

Publika.az xəbər verir ki, o, bu barədə “RİA FAN”-a müsahibəsində danışıb.

İrlandiya alimləri belə qənaətə gəliblər ki, unutma prosesi beyinlə əlaqəli deyil, insanın yeni məlumatları öyrənmək həvəsi ilə bağlıdır. Eyni zamanda heç nəyi unuda bilməyən insanlar var. Vasserman misal olaraq Solomon Şereşevskini göstərib. Publisistin fikrincə, sovet jurnalisti üçün yaşamaq çox çətin idi, çünki yaddaşda böyük ölçüdə yer tutan xatirələr hazırkı zehni fəaliyyətə mane olurdu. Bununla belə, sonda Şereşevski bəzi məlumatları unutmağı öyrənə bilib. Vasserman qeyd edib ki, insan yaddaşının keyfiyyəti beyində saxlanılan informasiyanın çoxluğu ilə xarakterizə olunmur.

“Məlumdur ki, beyin bu və ya digər şəkildə ona daxil olan hər şeyi özündə saxlayır. Məsələ nəyisə xatırlamaqda deyil, məsələ konkret problemi həllində lazım olanları dəqiq xatırlamaqdadır” , -Vasserman izah edib.

O, güclü yaddaşının sirrini də açıb. Publisistin sözlərinə görə, o, çox şeylə çox maraqlandığı üçün yaxşı əzbərləmə qabiliyyətinə və güclü yaddaşa malikdir. Buna görə də məlumatları çox yaxşı xatırlayır. Vasserman sonda vurğulayıb ki, demək olar ki, hər şey lazım olduğu kimi yadda qalır: ya zərurətdən, ya da assosiasiyadan kənar.

Oxumağa davam et
Reklam

Gündəm