Xəbərlər - Publika.az
Bizi izləyin

Sağlamlıq

"Omikron" uşaqlarda BU ƏLAMƏTLƏRLƏ özünü göstərir

Uşaqlarda koronavirusun yeni “omikron” ştamı ən çox bronxiolit simptomlarla özünü göstərir.

Publika.az xəbər verir ki, bu barədə Avropa Tibb Mərkəzinin (EMM) pediatrı Yelena Tısyaçnaya bildirib.

Həkimin sözlərinə görə “omikron” uşaqlarda kiçik bronxların iltihabı, tənəffüs çatışmazlığına, pnevmoniyaya səbəb ola bilər. 

Terapevt bildirib ki, koronavirusun yeni variantına yoluxmuş uşaqlarda xırıltılı nəfəsalma baş verə, ekshalasiya uzana bilər. Eyni zamanda, xəstəlik fasiləsiz bəlğəmli öskürək, astma tutmaları ilə də müşayiət oluna bilər.

Bəzi hallarda həm “omikron”, həm də “delta”ya yoluxduqda, qusma və ishallın olması mümkündür. Hərarət 38 və ya 38,5 dərəcəyə çatır, lakin nadir hallarda kritik dərəcəyə yüksəlir.

Rəylər
Oxumağa davam et
Reklam

Sağlamlıq

Ömrün uzunluğuna təsir edən amillər

Kardioloq, Rusiya Elmlər Akademiyasının akademiki Yuri Belenkov “Rossiya 1” kanalının “О самом главном” verilişinin efirində hansı pis vərdişlərin ömrü qısaltdığını açıqlayıb. 

Publika.az xəbər verir ki, həkim səhər yeməyindən imtinanın ömür uzunluğuna mənfi təsir göstərə bildiyini vurğulayıb.

“Valideynlərimiz bizə öyrədib ki, səhər yeməyini özünüz yeyin, naharı dostunuzla bölüşün, axşam yeməyini düşmənə verin. Siz düşmənə şam yeməyi verməyin. Sadəcə hər şey balanslaşdırılmalıdır. Kalorilərin təxminən 25 faizini səhər yeməyi, 50 faizini nahar, 20 faizini şam yeməyi təşkil etməlidir”, - Belenkov bildirib.

Mütəxəssis yuxusuzluğun da ömür uzunluğuna təsir edən əsas faktorlardan biri olduğuna işarə edib. O, yuxu problemi olan insanlara melatonin qəbul etməyi tövsiyə edib. Ekspert izah edib ki, bu dərman bioloji ritmləri normallaşdırır.

Belenkov tez yuxuya getməyin dərmansız yollarını da açıqlayıb. Onun sözlərinə görə, axşam təmiz havada gəzmək və istirahətdən bir neçə saat əvvəl alma yemək effektlidir. 

Bundan əlavə, kardioloq evdə səs-küyü mümkün qədər məhdudlaşdırmağa çağırıb. Belenkovun fikrincə, bu amil stress yaradır və insanın ömrünü qısaldır. O, həmçinin qaradan başqa bütün növ şokoladı tərk etməyi tövsiyə edib. “Tünd şokoladda flavonoidlər və faydalı efir yağları var. Axşam şirniyyat istəsəniz, tort və ya kolbasa deyil, bir dilim tünd şokolad yeyin”. 

Belenkov əlavə edib ki, oturaq həyat tərzi, kompüter və ya smartfondan uzun müddət istifadə kimi amillər sağlamlığa zərər verə bilər. Digər bir pis vərdiş həkimin qeyd etdiyi kimi, eyni fiziki məşqləri etməkdir. “Fiziki fəaliyyətinizi dəyişin. Hər şeyi məmnuniyyətlə etmək lazımdır”, - o vurğulayıb.

Belenkov miqrendən xilas olmaq üçün hansı vasitələrin kömək edə biləcəyini də söyləyib. Mütəxəssis şiddətli baş ağrılarından əziyyət çəkən hər kəsə təhrikedici amillərdən qaçmağı tövsiyə edib. Onun sözlərinə görə, miqren zamanı dərmanlarla yanaşı, akupunktur və baş masajı da kömək edə bilər.

Oxumağa davam et

Sağlamlıq

Mərkəzi Gömrük Hospitalında neçə koronavirus xəstəsi müalicə alıb? - RƏSMİ

Mərkəzi Gömrük Hospitalında 1600-dən çox koronavirus xəstəsi stasionar müalicə alıb.

Publika.azxəbər verir ki, bu barədə Dövlət Gömrük Komitəsinin (DGK) sədri Səfər Mehdiyev "Twitter" səhifəsində yazıb.

"Mərkəzi Gömrük Hospitalı il yarımdan artıq müddətdir ki, yalnız koronavirus xəstələrinin müalicəsi ilə məşğul olur. Bu müddət ərzində 1600-dən çox koronavirus xəstəsi Mərkəzi Gömrük Hospitalında stasionar müalicə alıb".

Oxumağa davam et

Sağlamlıq

"Buster" dozasız hansı obyektlərə giriş qadağandır? - VİDEO

“Azərbaycanda “buster” doza ilə peyvəndlənməyənlər fevralın 15-dən şənlik mərasimlərində iştirak edə bilməyəcəklər”. 

Publika.az xəbər verir ki, bu, Səhiyyə Nazirliyi, İcbari Tibbi Sığorta üzrə Dövlət Agentliyi və TƏBİB-in birgə məlumatında əksini tapıb.

Eyni zamanda, “buster” doza vaksin vurdurmayan yaşı 18-dən yuxarı şəxslər həmin tarixdən etibarən ictimai iaşə müəsisələrinə, mehmanxanalara və iri ticarət mərkəzlərinə daxil ola bilməyəcək.

Daha ətraflı "Baku TV"nin süjetində:

Oxumağa davam et
Reklam

Gündəm