Rusiya bu məsələyə “qırmızı xətt” kimi yanaşır - Şərh - Publika.az
Bizi izləyin

Siyasət

Rusiya bu məsələyə “qırmızı xətt” kimi yanaşır - Şərh

“Etiraf etmək lazımdır ki, Ukrayna tərəfi Donetsk və Luqansk problemlərinin həlli ilə bağlı Minsk razılıqlarının şərtlərinə əməl etmək istəmir. Halbuki, məhz Ukraynanın keçmiş prezidenti Poroşenko hakimiyyəti dövründə Almaniya, Fransa və Böyük Britaniya ilə bir yerdə məlum problemlərin Minsk razılıqları kontekstində həllinə razılıq vermişdi. Bu gün Zelenski hakimiyyəti həmin şərtləri yerinə yetirməkdən boyun qaçırır”. 

Bu fikirləri Publika.az-a açıqlamasında politoloq Elşən Manafov deyib. 

Ekspertin sözlərinə görə, 2008-ci ildə Gürcüstan olaylarında olduğu kimi, bu gün də NATO, xüsusilə ABŞ Ukraynanı bilərəkdən Rusiya ilə hərbi qarşıdurmaya təhrik edir: “Ukraynanın Rusiya ilə qarşıdurmaya təhrik edilməsində ikinci böyük rol Böyük Britaniyaya aiddir. Çünki Britaniya Avropa İttifaqından çıxdıqdan sonra Aİ ilə münasibətlərə yeni rakursdan baxır və  Rusiyanın Avropa enerji bazarlarında sıxışdırılması ABŞ kimi Britaniyanın da maraqlarına cavab verir. Əslində, Rusiya və NATO arasında yaşanan gərginliyin əsas səbəbi Ukrayna ilə bağlı deyil. Bu, Avropada nüfuz və təsir dairələri uğrunda gedən mübarizədir. Həm də məlum Şimal axını-2” vasitəsilə Avropa ölkələrinə axacaq Rusiya qazının nəqlinin qarşısını almaq istəyindən irəli gəlir. Çünki ABŞ və NATO gözəl başa düşür ki, məlum kəmərlər işlədikcə Rusiyanın hərbi gücü daha da artacaq. Təbii ki, hərbi gücün artması da NATO-ya problemləri zorakılıq yolu ilə həll etməyə imkan verməyəcək. Problemin kökündə dayanan amil budur. Digər tərəfdən, məhz Rusiyanın mövqeyi müəyyən mənada beynəlxalq hüquq normalarına istinad etmir. Çünki Rusiya Ukrayna və Gürcüstanın Qərbin təhlükəsizlik sisteminə, yəni NATO-ya inteqrasiyasına qarşı çıxır. Ukrayna və Gürcüstanın NATO-ya daxil ola biləcəyi ilə bağlı məsələyə Rusiya qırmızı xətt kimi yanaşır. Əgər bu ölkələr NATO-ya qəbul olunsalar, Rusiya da öz təhlükəsizlik maraqlarından çıxış edərək buna adekvat addımlar atacaq”.

E.Manafov vurğulayıb ki, bu gün beynəlxalq güclərin maraqları ucbatından beynəlxalq hüquq iflic vəziyyətinə düşüb: “Qarabağ problemində də danışıqların 30 il səmərə verməməsi məhz beynəlxalq güclərin məsələyə nüfuz etməsi idi. Lakin Azərbaycan təbii ki, əlverişli beynəlxalq vəziyyətdən istifadə etdi və özünün hərbi gücünə istinad edərək işğalda olan ərazilərini azad etdi. Yəni, iqtisadi və hərbi güc kimdədirsə, o da öz maraqlarını diktə edir. Burada da yaşanan gərginliyin əsas səbəbi Avropada təsir dairəsi və həmçinin Rusiyanın MDB məkanında nüfuz imkanlarını daraltmaq uğrunda gedən mübarizədir. Rusiya da dünyanın 10-cu iqtisadi və 2-ci hərbi gücü olaraq ona qarşı bu tip münasibətləri qəbul etmir. Açıq deyək ki, Rusiya özü də ABŞ-ı və NATO-nu hərbi güc tətbiq edəcəyi ilə hədələyir. Ona görə düşünürəm ki, bütün hallarda bu problemlər Rusiya, Ukrayna və Minsk qrupunun razılıqlarına imza atmış dövlətlərin iştirakı ilə danışıqlar masası arxasında həll oluna bilər”.

Rəylər
Oxumağa davam et
Reklam

Siyasət

Şuşada Azərbaycan Türkiyə və Gürcüstan parlamentarilərinin iclası başa çatdı - YENİLƏNDİ

Azərbaycan,Türkiyə və Gürcüstan parlamentlərinin xarici əlaqələr komitələrinin Şuşa şəhərində keçirilən VII üçtərəfli iclası başa çatıb.

Publika.az xəbər verir ki, toplantıda hər üç ölkənin parlamentləri arasında münasibətlərin daha da dərinləşdirilməsi və digər məsələlər ətrafında fikir mübadiləsi aparılıb.

Daha sonra parlamentarilər Şuşa şəhərindəki bir sıra tarixi-mədəni abidələri yerləri ziyarət edəcəklər, Cıdır düzündə olacaqlar.

XXX

13:16

Şuşa şəhərində Azərbaycan,Türkiyə və Gürcüstan parlamentlərinin xarici əlaqələr komitələrinin VII üçtərəfli iclası keçirilir.

Publika.az xəbər verir ki, toplantıda hər üç ölkənin parlamentləri arasında münasibətlərin daha da dərinləşdirilməsi və digər məsələlər müzakirə olunur.

Azərbaycan nümayəndə heyətinə Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov, Türkiyə Böyük Millət Məclisinin nümayəndə heyətinə parlamentin Xarici əlaqələr komitəsinin sədri Akif Çağatay Kılıç, Gürcüstan nümayəndə heyətinə isə ölkə parlamentinin Xarici əlaqələr komitəsinin sədri Nikoloz Samxaradze başçılıq edirlər.

Oxumağa davam et

Siyasət

Ceyhun Bayramov Çavuşoğlu ilə bölgədəki vəziyyəti MÜZAKİRƏ ETDİ

Xarici İşlər naziri Ceyhun Bayramovla türkiyəli həmkarı Mövlud Çavuşoğlu arasında telefon danışığı olub.

Publika.az xəbər verir ki, bu barədə Türkiyə Xarici İşlər Nazirliyi məlumat yayıb.

Qeyd olunub ki, danışıq zamanı ikitərəfli münasibətlər başda olmaqla, Azərbaycan və Türkiyə birgə daxil olduğu üçtərəfli mexanizmlər, həmçinin Cənubi Qafqaz regionunda və Ukraynadakı son yeniliklər müzakirə edilib.

Oxumağa davam et

Siyasət

Şuşanın əsas küçələrindən birinə Atatürkün adı verildi - FOTO

Şuşanın əsas küçələrindən birinə Türkiyə dövlətinin qurucusu, görkəmli ictimai-siyasi xadim Mustafa Kamal Atatürkün adı verilib.

Publika.az xəbər verir ki, bu barədə Türkiyənin Azərbaycandakı səfiri Cahit Bağcı tviter hesabında yazıb.

“Şuşanın mərkəzi küçələrindən birinə Atatürkün adı verilib. Təşəkkürlər”, - diplomat qeyd edib.

Oxumağa davam et
Reklam

Gündəm