Polşa Prezidenti Anjey Duda Ukraynaya səfər edib.

Publika.az xəbər verir ki, bu haqda prezidentinin rəsmi səhifəsində məlumat verilib.

Duda bu gün 22-də Ali Radada çıxış edəcək.

Polşa Prezidentinin mətbuat xidməti əlavə edib ki, Duda müharibə başlayandan bu günə kimi Ukrayna parlamentində çıxış edən ilk xarici ölkə başçısı olacaq.

Ukrayna Prezidenti Volodimr Zelenski və İtaliyanın baş naziri Mario Draqi arasında telefon danışığı olub.

Publika.az xəbər verir ki, bu barədə V.Zelenski Tviter hesabında paylaşım edib.

"Mario Draqinin təşəbbüsü ilə telefon danışığımız oldu. Biz müdafiə sahəsində əməkdaşlıqdan, 6-cı sanksiyalar paketinin tətbiqinin sürətləndirilməsinin və Ukrayna limanlarının açılmasının zəruriliyindən danışdıq", -  V.Zelenski bildirib.

O əlavə edib ki, İtaliyaya Avropa İttifaqına gedən yolda Ukraynaya qeyd-şərtsiz dəstəyə görə təşəkkür edib.

Türkiyə Prezidenti Rəcəb Tayyib Ərdoğan və NATO-nun baş katibi Yens Stoltenberq arasında telefon danışığı olub.

Publika.az xəbər verir ki, telefon danışığı zamanı tərəflər İsveç və Finlandiyanın NATO-ya üzvlük üçün müraciətlərini müzakirə ediblər.

R.T.Ərdoğan vurğulayıb ki, Türkiyə NATO-nun “açıq qapı” siyasətini səmimi şəkildə dəstəkləyir və Ankaranın iki Skandinaviya ölkəsinin namizədliyinə münasibəti sırf bu dövlətlərin Türkiyə üçün mühüm milli təhlükəsizlik məsələlərində tutduğu mövqe ilə bağlıdır.

Türkiyə lideri bildirib ki, bu ölkələr fundamental məsələlərdə, xüsusilə də terrorla mübarizədə Türkiyə ilə açıq həmrəylik nümayiş etdirməyincə, Ankara İsveç və Finlandiyanın NATO-ya müraciətlərini müsbət qarşılamayacaq.

NATO-nun baş katibi Türkiyə lideri ilə söhbətində Türkiyənin təhlükəsizliklə bağlı narahatlığının aradan qaldırılmasının vacib olduğunu qeyd edib.