Rusiya veteranları Njde haqqında filmə görə etiraz etdilər - Publika.az
Bizi izləyin

Siyasət

Rusiya veteranları Njde haqqında filmə görə etiraz etdilər

Rusiya veteranları Rusiya Erməniləri İttifaqının faşist Qaregin Njde haqqında film nümayiş etdirməklə Ermənistan ordusunun gününü qeyd etmək təşəbbüsünə qarşı çıxıblar.

Publika.az xəbər verir ki, “Rusiya veteranları” ümumrusiya ictimai hərəkatı nasizmin və onun əlaltılarının reabilitasiyası üçün bu məsələnin araşdırılmasını və buna hüquqi qiymət verilməsi xahişi ilə Rusiya Baş prokuroru İqor Krasnova müraciət edib.

Veteranların müraciətlərində qeyd edilir ki, film Böyük Vətən Müharibəsi illərində Hitlerə xidmət edən erməni millətçisinin tərənnümünə həsr olunub.

“Nasist cinayətkarlarına və onların ortaqlarına haqq qazandırmaq üçün edilən istənilən cəhdlər sadəcə tarixin saxtalaşdırılması deyil, eləcə də əxlaqsız xarakter daşıyır”, - veteranlar bildiriblər.

Rəylər
Oxumağa davam et
Reklam

Siyasət

Zelenski Draqiyə təşəkkür etdi

Ukrayna Prezidenti Volodimr Zelenski və İtaliyanın baş naziri Mario Draqi arasında telefon danışığı olub.

Publika.az xəbər verir ki, bu barədə V.Zelenski Tviter hesabında paylaşım edib.

"Mario Draqinin təşəbbüsü ilə telefon danışığımız oldu. Biz müdafiə sahəsində əməkdaşlıqdan, 6-cı sanksiyalar paketinin tətbiqinin sürətləndirilməsinin və Ukrayna limanlarının açılmasının zəruriliyindən danışdıq", -  V.Zelenski bildirib.

O əlavə edib ki, İtaliyaya Avropa İttifaqına gedən yolda Ukraynaya qeyd-şərtsiz dəstəyə görə təşəkkür edib.

Oxumağa davam et

Siyasət

Ərdoğan ŞƏRTLƏRİNİ AÇIQLADI: Yalnız bu halda...

Türkiyə Prezidenti Rəcəb Tayyib Ərdoğan və NATO-nun baş katibi Yens Stoltenberq arasında telefon danışığı olub.

Publika.az xəbər verir ki, telefon danışığı zamanı tərəflər İsveç və Finlandiyanın NATO-ya üzvlük üçün müraciətlərini müzakirə ediblər.

R.T.Ərdoğan vurğulayıb ki, Türkiyə NATO-nun “açıq qapı” siyasətini səmimi şəkildə dəstəkləyir və Ankaranın iki Skandinaviya ölkəsinin namizədliyinə münasibəti sırf bu dövlətlərin Türkiyə üçün mühüm milli təhlükəsizlik məsələlərində tutduğu mövqe ilə bağlıdır.

Türkiyə lideri bildirib ki, bu ölkələr fundamental məsələlərdə, xüsusilə də terrorla mübarizədə Türkiyə ilə açıq həmrəylik nümayiş etdirməyincə, Ankara İsveç və Finlandiyanın NATO-ya müraciətlərini müsbət qarşılamayacaq.

NATO-nun baş katibi Türkiyə lideri ilə söhbətində Türkiyənin təhlükəsizliklə bağlı narahatlığının aradan qaldırılmasının vacib olduğunu qeyd edib.

Oxumağa davam et

Siyasət

Ərdoğan və Andersson arasında telefon danışığı olub

Türkiyə Prezidenti Rəcəb Tayyib Ərdoğan və İsveçin baş naziri Maqdalena Andersson arasında telefon danışığı olub.

Publika.az xəbər verir ki, telefon danışığı zamanı tərəflər ikitərəfli münasibətləri və Stokholmun NATO-ya üzvlük üçün müraciətini müzakirə ediblər.

Türkiyə lideri qeyd edib ki, Ankara bu günə qədər həmişə NATO-nun “açıq qapı” siyasətini dəstəkləyib.

R.T.Ərdoağn vurğulayıb ki, NATO ideyası kollektiv təhlükəsizlik və Alyansa üzv ölkələrin təhlükəsizliyi sahəsində həmrəyliyə əsaslanır.

Onun sözlərinə görə, o, Stokholmun PKK/YPG/PYD terrorçuları və onlarla əlaqəli strukturlarla təmaslar məsələsində mövqeyindən dəfələrlə narahat olduğunu bildirib.

R.T.Ərdoğan İsveçdə Fətullah Gülənin (FETÖ) rəhbərlik etdiyi daha bir terror təşkilatının nümayəndələrinin olmasına da diqqət çəkib.

Bununla bağlı Türkiyə Prezidenti Stokholmu terrorçulara siyasi, maliyyə və müdafiə dəstəyindən imtina etməyə çağırıb.

"Ankara İsveçdən PKK terrorçuları, eləcə də bu qanlı təşkilatın Suriya və İraq qolları ilə bağlı Türkiyənin narahatlığını bölüşən ciddi və konkret addımlar atacağını gözləyir", - deyə Türkiyə Prezidenti bildirib.

R.T.Ərdoğan Suriyada “Sülh çeşməsi” əməliyyatının başlamasından sonra Stokholmun Türkiyə müdafiə sənayesinə qarşı tətbiq etdiyi sanksiyaların ləğvinin vacibliyinə də işarə edib.

O xatırladıb ki, bu əməliyyatın keçirilməsi barədə qərar Ankara tərəfindən ölkə sərhədləri yaxınlığında real terror təhlükəsinin formalaşmasına cavab olaraq verilib.

Oxumağa davam et
Reklam

Gündəm