• USD 1,7000 0,00% EUR 1,8813 +0,09%
    • GBP 2,2355 +0,04% RUB 0,0268 +0,37%

Trampdan NATO ölkələrinə ULTİMATUM

  • ABŞ
  • 10 İyul 2018 00:30
Trampdan NATO ölkələrinə ULTİMATUM

NATO ölkələri ABŞ-ın müdafiəyə xərclədiyi vəsaitlərin əvəzini verməlidir.

Publika.az “RİA-Novosti” agentliyinə istinadən xəbər verir ki, bunu ABŞ-ın prezidenti Donald Tramp Tvitter səhifəsində yazıb.

Qeyd edək ki, ötən həftə yayılan xəbərə görə, ABŞ prezidenti NATO üzrə bir sıra müttəfiqlərin liderlərinə məktublar göndərib. “The New York Times” qəzetinin yazdığına görə, Ağ Evin başçısı müttəfiqlərini ittifaq çərçivəsində müdafiəyə həddən artıq az pul ayırdığı üçün tənqid edib. Tramp bildirib ki, bu, ittifaqın təhlükəsizliyini təhdid edir.

Qəzet yazır ki, Tramp ötən ay da belə məktubları Almaniya, Kanada, Belçika və Norveç daxil olmaqla, ittifaq ölkələrinin liderlərinə göndərib. Trampın sözlərinə görə, müttəfiqlərin müdafiəyə daha az pul ayırmasınının səbəbini ABŞ vətəndaşlarına izah etmək Vaşinqton administrasiyası üçün gələcəkdə daha çətin olacaq.

Xatırladaq ki, 2014-cü ilin sentyabrında NATO-nun Uelsdə sammitində ittifaq ölkələrinin liderləri 10 il ərzində hərbi xərclərin ümumi daxili məhsulun 2 faizindən yuxarı qaldırılması barədə öhdəlik götürüblər. Hazırda NATO-nun yalnız 8 üzvü müdafiəyə ümumi daxili məhsulun 2 faizindən çoxunu xərcləyirlər. ABŞ-ın hərbi büdcəsi isə ümumi daxili məhsulun təxminən 3,58 faizini təşkil edir. Bu Almaniyada 1,2 faizdir.

Tramp 11-12 iyul tarixlərində Brüsseldə NATO-nun növbəti sammitində bu məsələni qaldıracağına söz verib.

Ömər Dağlı

Xəbər lenti

DAHA ÇOX XƏBƏR