• USD 1,7000 0,00% EUR 1,8883 0,00%
    • GBP 2,2364 0,00% RUB 0,0267 0,00%

Putin-Tramp görüşünün formatı açıqlandı

  • ABŞ
  • 13 İyul 2018 22:30
Putin-Tramp görüşünün formatı açıqlandı

Rusiya və ABŞ prezidentləri - Vladimir Putin və Donald Trampın Helsinki görüşü iyulun 16-da yerli vaxtla saat 13:00-də (Bakı vaxtı ilə saat 14:00-da –red.) başlanacaq və prezident sarayında keçiriləcək.

Publika.az TASS agentliyinə istinadən xəbər verir ki, bu haqda Rusiya prezidentinin köməkçisi Yuri Uşakov bildirib.

Uşakov qeyd edib ki, Putin Helsinkiyə iyulun 16-da, Tramp isə daha əvvəl gələcək.

“Prezidentlərin görüşünün nə qədər davam edəcəyini bilmirik. Heç bir limit yoxdur”, - o əlavə edib.

Uşakov bildirib ki, görüş tərcüməçilərin iştirakı ilə təkbətək başlanacaq. Daha sonra isə işçi yeməyi formatında Rusiya-ABŞ danışıqları olacaq və nümayəndə heyətlərinin bəzi üzvləri iştirak edəcəklər.

“Sonra isə liderlər birgə mətbuat konfransını keçirəcəklər. Prezidentlərin çıxışları nəzərdə tutulub və sonra liderlər dörd suala cavab verəcəklər. Bu, mətbuat konfransları üçün tipik formatdır”, - Uşakov vurğulayıb.

Ömər

Xəbər lenti

DAHA ÇOX XƏBƏR