ABŞ
Amerikalılar texnikanı fikrin gücü ilə idarə edəcək
ABŞ Müdafiə Nazirliyinin silahlı qüvvələrdə istifadə üçün yeni texnologiyalar hazırlayan Qabaqcıl Müdafiə Elmi-Tədqiqat İşləmələri Agentliyi (Defence Advanced Research Project Agency - DARPA) "N3" proqramı çərçivəsində neyron interfeysinin hazırlanması ilə məşğul olacaq qrup toplayır. Proqramın məqsədi hərbçilərə informasiyanın beyin dalğaları vasitəsilə göndərilməsinə və qəbuluna imkan verəcək sistemlərin yaradılmasından ibarətdir.
Axar.az bildirir ki, "DARPA" ABŞ Silahlı Qüvvələrinə dünyanın digər orduları üzərində üstünlük qazanmağa imkan verən və hərbi sahədə tətbiq edilən qabaqcıl tədqiqatların dəstəklənməsi ilə məşğul olur. Pentaqon "N3" proqramı vasitəsilə insanlara fikrin gücü ilə robotları idarə etməyə və cavab almağa imkan verəcək sistem hazırlamaq niyyətindədir.
Sistemin hazırlanma prosesi 4 il təşkil edəcək və bir neçə mərhələdə onun effektivliyi, təhlükəsizliyi və imkanları müəyyənləşdiriləcək.
Bildirilir ki, nəticədə ABŞ hərbçiləri düşüncənin gücü ilə dronları, təhlükəsizlik sistemlərini və digər texnologiyaları idarə edə biləcəklər.
Agentlik mütəxəssisləri ümid edir ki, bu, ya bədəndən kənar, ya da burun vasitəsilə udmağa, yeritməyə və ya çıxarmağa imkan verəcək qurğu kimi həyata keçiriləcək.
"DARPА" biotexnologiyalar proqramının rəhbəri El Emondi bildirib ki, beyin mahiyyət etibarilə ətraf dünya ilə əlaqə üçün alət rolunu oynayacaq. "Təkliflərin təqdim edilməsi üçün müsabiqə 2018-ci ilin martında elan edilib, indi isə agentlik belə sistemi praktik yarada biləcək qruplar seçməyə hazırlaşır. "DARPA" "N3" proqramını informasiyanı eyni anda beyinin bir neçə nöqtəsində həm oxuyan, həm də yazan təhlükəsiz portativ neyron interfeys sistemi üçün yaradıb. Yüksək dəqiqliyə malik qeyri-cərrahi neyrotexnologiyanı əldə etmək çətin idi, lakin biotibb mühəndisliyi, neyroelm, sintetik biologiya və nanotexnologiyalar sahəsində bu yaxınlarda qazanılan uğurlar bizə ona nail olmağa imkan verəcək", - o əlavə edib.
-
Sağlamlıq07:08
Səhər oyanan kimi 5 ədəd qoz yesəniz, görün nələr olacaq...
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov