ABŞ

Nənəsini güllələdi: 50 nəfəri əsir götürdü – Film kimi cinayət

22 İyul 2018 17:44

Nənəsini silahla vuran şəxs polis təqibindən qaçarkən super- marketdə daxil olub və oradakı şəxsləri əsir götürüb.

Teleqraf.com xəbər verir ki, hadisə ABŞ-ın Kaliforniya ştatında yaşanıb.

Los-Anceles polisi bildirib ki, 28 yaşlı cinayətkar nənəsini güllələdikdən sonra onun avtomobili ilə hadisə yerindən qaçmağa çalışıb.

Polisin təqibi nəticəsində avtomobilini yolun kənarındakı dirəyə vuran cinayətkar daha sonra super-marketə daxil olaraq, oradakıları əsir alıb. Cinayətkarla polis arasında baş verən atışma zamanı super-marketdə olan bir qadın ölüb.

Super-marketdə təxminən 40-50 nəfəri əsir alan cinayətkar sonda polisə təslim olub. Hadisə zamanı yaralanan 6 nəfər xəstəxanaya göndərilib.