ABŞ

Avropa İttifaqı Səudiyyə Ərəbistanını hədələdi

18 Oktyabr 2018 21:32

"Avropa İttifaqı (Aİ) Səudiyyə Ərəbistanından jurnalist Camal Qaşıqçının itkin düşməsi ilə bağlı istintaqın tam şəffaf şəkildə aparılmasını gözləyir. Əks təqdirdə, bu ölkəyə qarşı məhdudlaşdırıcı tədbirlər görüləcəyini istisna etmir".

Publika.az xəbər verir ki, bunu Avstriya Kansleri Sebastian Kurtz Aİ-yə üzv ölkələrin dövlət və hökumət başçılarının zirvə görüşünün ikinci gününün yekunlarına həsr olunmuş mətbuat konfransında bildirib.

“Sanksiya məsələsi gündəmdə olmadığından bununla bağlı müzakirə aparmadıq. Lakin sizə dəqiq deyirəm ki, Aİ tərəfindən bu məsələ ilə bağlı cavab tədbirlərinin (Səudiyyə Ərəbistanına qarşı – red.) atılması mümkündür” – Kansler deyib.

Qeyd edək ki, 2017-ci ildən ABŞ-da yaşayan və "The Washington Post" qəzetinin köşə yazarı olan səudiyyəli jurnalist Camal Qaşıqçı bu il oktyabrın 2-də Səudiyyə Ərəbistanının İstanbuldakı Baş Konsulluğuna daxil olduqdan sonra yoxa çıxıb. (Report)