Tramp: “Əsrin sazişi” üzrə Pompeonun şübhələrini anlayıram

Amerika prezidenti Donald Tramp dövlət katibi Mayk Pompeonun Yaxın Şərq probleminin həlli ilə bağlı “Əsrin sazişi” üzrə şübhələrini anlayır.

Publika.az “RİA-Novosti” agentliyinə istinadən xəbər verir ki, bu haqda Trampın özü bildirib.

Amma prezident öz planını perspektivli hesab edir.

“İnsanların əksəriyyəti düşünürlər ki, bu, mümkün deyil. Mən düşünürəm ki, bu, mümkündür. Biz Yaxın Şərqə sülh nizamlanması üzrə planı hazırlamağa kömək etmək üçün mümkün olan hər şeyi edirik”, - prezident deyib.

Daha əvvəl “Washington Post” yazıb ki, Pompeo Fələstin-İsrail münaqişəsinin nizama salınması üzrə Amerika planının perspektivliliyini şübhə altına qoyub. Eyni zamanda o ümidini ifadə edib ki, sazişi dərhal rədd etməyəcəklər.

Qeyd edək ki, Abiyunun 25-də Bəhreyndə keçiriləcək iqtisadi forunda “Əsrin sazişi” kimi məşhur olan planını təqdim etməyi planlaşdırır. Fələstin Trampın Qüdsü İsrailin paytaxtı kimi tanıması ilə əlaqədar olaraq forumu boykot etmək niyyətindədir.

Xatırladaq ki, mayın 7-də “İsrael a-Yom”” (“İsrail bu gün”) qəzetində “Əsrin sazişi”nin detalları dərc edilib. Güman edilir ki, İsrail, Fələstin Azadlıq Təşkilatı və HƏMAS “Yeni Fələstin” dövlətinin yaradılması haqqında razılaşmanı imzalayacaqlar.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Ömər Dağlı