• USD 1,7000 0,00% EUR 1,9164 0,00%
    • GBP 2,1547 0,00% RUB 0,0263 0,00%

ABŞ Konqresində Azərbaycanla bağlı bəyanat yayıldı

  • ABŞ
  • 7 İyun 2019 21:07
  • 740 Baxış
ABŞ Konqresində Azərbaycanla bağlı bəyanat yayıldı

ABŞ Konqresinin Nümayəndələr Palatasının Kəşfiyyat və Silahlı Xidmətlər Komitələrinin nüfuzlu üzvlərindən biri olan Maykl Törner (Respublikaçı – Ohayo) Azərbaycanın Respublika Günü münasibətilə təbrik bəyanatı ilə çıxış edib.

Azərbaycanın ABŞ-dakı səfirliyindən Publika.az-a verilən məlumata görə, bəyanatda qeyd olunur ki, 28 may 1918-ci il tarixində müsəlman dünyasında ilk demokratik ölkə olan Azərbaycan Respublikasının əsası qoyulub. Konqres üzvü təəssüflə bildirir ki, müstəqillikdən bir neçə il sonra, 1920-ci ildə Rusiya Qızıl Ordusu Azərbaycanı işğal etmiş və nəticədə Sovet İttifaqına birləşdirilib.

1991-ci ildə Sovet İttifaqının dağılmasından sonra, Azərbaycanın müstəqilliyinin yenidən əldə olunduğu və o zamandan ABŞ-ın əsas beynəlxalq tərəfdaşına çevrildiyi, ABŞ və Azərbaycanın transmilli təhdidlərlə və terrorçuluqla mübarizə sahəsində tərəfdaşlar kimi çalışmaqda davam etdiyi bəyanatda diqqətə çatdırılır. Azərbaycanın ABŞ-ın NATO müttəfiqlərinə yardım sahəsində vacib rol oynadığı və ABŞ-ın xaricdə, xüsusilə də Əfqanıstanda əməliyyatlarına dəstək verdiyi xüsusi vurğulanır.

Bəyanatda eyni zamanda, Azərbaycanın Avropanın enerji təhlükəsizliyinin gücləndirilməsi sahəsində əhəmiyyətli müttəfiq olduğu və bununla əlaqədar, Azərbaycandan Avropaya təbii qazın ixracını nəzərdə tutan Cənub Qaz Dəhlizi kimi təşəbbüsləri ABŞ-ın dəstəkləməkdə davam etməsinin zəruriliyi qeyd olunur. Azərbaycanın ABŞ-ın bölgədə maraqlarının təmin olunmasında əsas tərəfdaş olduğu bildirilir.

loading...

Xəbər lenti

DAHA ÇOX XƏBƏR