ABŞ

Putin NATO-nu parçalamaq istəyirdi, amma... - Bayden

26 İyun 2022 17:16

ABŞ Prezidenti Co Bayden bildirib ki, Rusiya rəhbərliyi NATO və G7-dəki müttəfiqləri parçalamaq niyyətində olub, lakin bu, baş tutmayıb.

Publika.az xəbər verir ki, o, bu gün baş tutan Almaniya kansleri Olaf Şoltsla söhbətində Qərb ölkələri ilə NATO arasında nifaq salmaq cəhdlərinin uğursuz olduğunu bildirib.

“Rusiya prezidenti Vladimir Putin güman edirdi ki, NATO parçalanacaq, lakin bu baş vermədi və olmayacaq”, - Amerika lideri G7 sammiti çərçivəsində baş tutan ikitərəfli danışıqlara başlamazdan əvvəl deyib.

Bayden vurğulayıb ki, bu çağırışlar Qərb müttəfiqlərini və NATO-nu daha da gücləndirəcək. O, həmçinin alman həmkarına Qərbin birliyini qorumağa kömək etdiyinə görə təşəkkür edib və ABŞ və Almaniyanın Ukraynadakı vəziyyətlə bağlı eyni fikirdə olduğunu vurğulayıb.