ABŞ fəlakətə görə Əfqanıstana 55 milyon dollar yardım ayırdı

Birləşmiş Ştatlar hökuməti ölkədə baş verən dağıdıcı zəlzələdən zərər çəkmiş Əfqanıstan xalqına əlavə humanitar yardım elan edib.

Publika.az xəbər verir ki, bu barədə çərşənbə axşamı ABŞ dövlət katibi Entoni Blinkenin yaydığı rəsmi bəyanatda deyilir.

“Birləşmiş Ştatlar USAİD vasitəsilə təqribən 55 milyon dollar əlavə təcili humanitar yardım göstərəcək”, - deyə məlumatda bildirilir.

Eyni zamanda, təbii fəlakətdən ən çox zərər çəkən insanlara yardımın vacibliyi vurğulanır. Xüsusilə, vəsaitlər mənzil materiallarına gedəcək; yemək qabları; suyun yığılması və saxlanması üçün bidonlar; yorğan; günəş lampaları; paltar və digər məişət əşyaları. Su ilə əlaqəli xəstəliklərin yayılmasının qarşısını almaq üçün su təchizatı və lazımi kanalizasiya üçün də yardım göstəriləcəkdir.

Xatırladaq ki, ötən həftə Əfqanıstanın şərqindəki Xost şəhərindən təxminən 44 km aralıda 5,9 bal gücündə zəlzələ baş verib . Son məlumatlara görə, zəlzələ nəticəsində ölənlərin sayı 900 nəfəri keçib.

Hüseyn İbadlı