Çinin mane olduğu plan REALLAŞDI: ABŞ milli inamı bərpa etmək üçün...

Avqustun 16-da ABŞ-da "Minuteman III" qitələrarası ballistik raketin sınaq buraxılışı keçirilib.

Publika.az xəbər verir ki, bu barədə ABŞ Hərbi Hava Qüvvələrinin Qlobal Hücum Komandanlığı məlumat yayıb.

Qeyd olunub ki, Çinin Tayvan ətrafında yaratdığı gərgin vəziyyətə görə sınaqlar planlaşdırıldığından gec baş tutub.

Komandanlığın məlumatına görə, buraxılış Kaliforniyada yerləşən Vandenberq Kosmik Qüvvələri bazasından həyata keçirilib. Bu, ABŞ nüvə qüvvələrinin hazırlığını nümayiş etdirmək və milli inamı təmin etmək üçün lazım idi.

Raket Marşal adalarına 7 min kilometrdən bir qədər aralı uçub. Beləliklə, amerikalılar qitələrarası ballistik raketlərin dəqiqliyini və etibarlılığını sınaqdan keçiriblər.

Mayor Armand Vonq vurğulayıb ki, sınaq buraxılışı dünya hadisələrinə reaksiya deyil, çünki hazırlıq prosesi bir ildən bir qədər az əvvəl başlayıb.

Qeyd etmək lazımdır ki, "Minuteman III" 1970-ci ildən ABŞ-da xidmətdədir və ABŞ Silahlı Qüvvələrində silos əsaslı yeganə ICBM-dir. Bu ballistik raketin ən yaxın analoqu Rusiyanın “Topol”udur.

Sınaqlar zamanı əldə edilən maksimum uçuş məsafəsi 8500 kilometrdir. 2008-ci ilə qədər ABŞ-da bu raketlərdən 450-si xidmətdədir.

Xatırladaq ki , hələ avqustun əvvəlində Bayden administrasiyası ABŞ İcmalar Palatasının sədri Nensi Pelosinin Taybeyə səfərindən sonra Tayvan ətrafında gərginliyin artmasının qarşısını almaq üçün “Minuteman III” qitələrarası ballistik raketinin sınağını təxirə salmaq qərarına gəlib.

Hüseyn İbadlı