Baydendən ŞOK AÇIQLAMA: "Çin liderinə xəbərdarlıq etdim ki..."

ABŞ lideri Co Bayden deyib ki, o, Çin liderini Rusiyaya Qərbin anti-Rusiya sanksiyalarından yan keçməsinə kömək etməməsi barədə şəxsən xəbərdarlıq edib.

Publika.az xəbər verir ki, bu barədə CBC telekanalına müsahibəsində bildirib.

Xatırladaq ki, Rusiya prezidenti Vladimir Putin sentyabrın 15-də Səmərqənddə ŞƏT sammiti çərçivəsində Çin lideri Si Cinpinlə görüşüb .

Vladimir Putin görüş zamanı bildirib ki, Rusiya “vahid Çin” prinsipinə möhkəm sadiqdir və ABŞ-ın Tayvanda təxribatlarını pisləyir.

Rusiya və Çin liderlərinin görüşündən sonra Amerika mediası Putin və Si Cinpinin dünya səhnəsində vahid cəbhə ilə bağlı bəyanatının ABŞ-ı qorxuya saldığını yazıb. Ağ Ev Moskva və Pekin arasında əlaqələrin dərinləşməsindən narahatlığını ifadə edib.

Ağ Evin mətbuat katibi Karine Jean-Pierre ŞƏT sammitində Putin və Si Cinpin arasında baş tutan görüşü Moskva ilə Pekin arasında yaxınlaşmanın nümunəsi adlandırıb.

Sentyabrın 18-də Rusiya lideri Vladimir Putinin sözçüsü deyib ki, ikinci dərəcəli sanksiyalar təhlükəsi Moskva və Pekin münasibətlərinə öz mənfi təsirini göstərir, lakin böyük təsir göstərə bilməz.

Hüseyn İbadlı