ABŞ

Bayden ailəsinin illik gəlirini açıqladı

19 Aprel 2023 13:01

Bayden ailəsinin illik gəliri açıqlanıb.

Publika.az xəbər verir ki, ABŞ prezidenti Co Bayden və həyat yoldaşı Cil Bayden birgə vergi bəyannaməsini açıqlayıb. Onlar bildiriblər ki, il ərzində gəlirləri 579,5 min dollar təşkil edib və bunun da 169,8 min dolları ötən il federal vergi kimi ödənilib. Bu barədə Ağ Ev məlumat yayıb.

Mənfəət vergisinin dərəcəsinin 23,8% olduğu vurğulanır. Sənədlərdə, həmçinin bildirilir ki, prezident ailəsi müxtəlif xeyriyyə təşkilatlarına 20,100 dollar ianə verib.

Həmçinin vurğulanır ki, ABŞ-ın vitse-prezidenti Kamala Harris və onun əri Duqlas Emhoffun bəyannaməsinə görə, ötən il onlar 456 min dollar qazanıblar.

Mehti Kamiloğlu