ABŞ

ABŞ-la İran arasında GƏRGİNLİK: helikopteri lazerlə kim vurub?

29 Sentyabr 2023 01:11

Fars körfəzində İslam İnqilabı Keşikçiləri Korpusunun (SEPAH) dəniz qüvvələrinə məxsus İran gəmiləri ABŞ hərbi helikopterinə qarşı lazerdən istifadə edib.

Publika.az xəbər verir ki, bu barədə ABŞ Mərkəzi Komandanlığı (CENTCOM) məlumat yayıb.

CENTCOM-dan bildirilib ki, SEPAH gəmiləri bir neçə dəfə helikopterə lazer şüası yönəldiblər. Xoşbəxtlikdən helikopter zərər görməyib. Ölən və yaralananlar olmayıb.

Qeyd edilib ki, o, İran ordusunun hərəkətlərini təhlükəli və qeyri-peşəkardır. Çünki bu hərəkətlər ABŞ hərbçilərinin və tərəfdaş ölkələrin həyatına təhlükə yaradır.

Qeyd edək ki, martın 24-də Pentaqon rəhbəri Lloyd Ostin bildirib ki, ABŞ İranın Suriyanın şimal-şərqindəki Hasəkə əyalətindəki koalisiya bazasına pilotsuz uçan aparatla hücumuna cavab olaraq İslam İnqilabı Keşikçiləri Korpusu (SEPAH) ilə əlaqəli birləşmələrə hava zərbələri endirib.

Hüseyn İbadlı