Harris Zelenski ilə görüşdə "oxu atıb, yayını gizlətdi" - "Bu, təhlükəlidir"

ABŞ-ın vitse-prezidenti və Demokratlar Partiyasından prezidentliyə namizəd Kamala Harris Ukrayna lideri Volodimir Zelenski ilə görüşdə bəzi amerikalı siyasətçilərin Ukrayna ilə bağlı sülh planlarını pisləyib.

Publika.az xəbər verir ki, bu barədə "The Hill" məlumat yayıb.ğ

Onun sözlərinə görə, söhbət əslində Kiyevin kapitulyasiyasını nəzərdə tutan təkliflərdən gedir.

"Elə insanlar var ki, Ukraynanı suveren ərazisinin böyük hissəsindən imtina etməyə məcbur edəcək, ondan neytrallığı qəbul etməyi və digər ölkələrlə təhlükəsizlik əlaqələrindən imtina etməyi tələb edəcəklər: bunlar sülh təklifləri deyil. Əvəzində bunlar təslim olmaq təklifləridir ki, bu da təhlükəli və qəbuledilməzdir", - Harris izah edib.

O əlavə edib ki, bu təkliflər guya Rusiya Prezidenti Vladimir Putinin dedikləri ilə oxşardır.

Harris hansı amerikalı siyasətçilərdən danışdığını dəqiqləşdirməyib.

Məsələn, onun rəqibi, Respublikaçılar Partiyasından prezidentliyə namizəd və Ağ Evin keçmiş rəhbəri Donald Tramp münaqişənin sülh yolu ilə həllinə çağırıb. Onun fikrincə, hərbi əməliyyatların başa çatması Ukraynanın “qələbəsindən” daha vacibdir.

Hüseyn İbadlı