İsrailin yeni müdafiə nazirindən İLK KRİTİK MESAJ: "İranı cilovlamaq üçün..."

İsrailin yeni müdafiə naziri İsrael Katz müharibənin əsas məqsədlərinə nail olmaq üçün çalışacaq: girovların qaytarılması, Fələstinin HƏMAS qruplaşması və Livanda "Hizbullah" hərəkatının məğlubiyyəti və İranı cilovlamaq.

Publika.az xəbər verir ki, bu barədə o, "X" sosial şəbəkəsindəki səhifəsində təyinatını şərh edərkən bildirib.

O, baş nazir Benyamin Netanyahuya ona göstərdiyi etimada görə təşəkkür edib.

Katz qeyd edib ki, o, bu məsuliyyəti “missiya hissi və İsrail dövlətinin və onun vətəndaşlarının təhlükəsizliyi üçün müqəddəs qorxu ilə” qəbul edir.

"Düşmənlərimizi məğlub etmək və müharibənin məqsədlərinə çatmaq üçün təhlükəsizlik sisteminə rəhbərlik edərək birlikdə çalışacağıq: ən mühüm missiya kimi bütün qaçırılanların geri qaytarılması, Qəzzada HƏMAS-ın məhv edilməsi, Livanda "Hizbullah"ın məğlub edilməsi, İranın təcavüzünün qarşısının alınması və şimal və cənub sakinlərinin sağ-salamat evlərinə qayıtması", - ölkənin yeni müdafiə naziri yazıb.

Xatırladaq ki, noyabrın 5-də İsrailin Baş naziri Benyamin Netanyahu müdafiə naziri Yoav Qalantı istefaya göndərdiyini açıqlayıb . O, bunu son aylarda inamın itirilməsi ilə əlaqələndirib.

Bir neçə cəbhədə döyüşlərin qızğın vaxtında Müdafiə Nazirliyinin rəhbərinin istefası ilə əlaqədar Təl-Əviv küçələrində etiraz aksiyaları başlayıb. Müxalifət israilliləri küçələrə axışmağa və qərara qarşı çıxmağa çağırıb.

Hüseyn İbadlı