ABŞ

ABŞ tarixində BİR İLK: Ağ Ev aparatına qadın rəhbərlik edəcək

8 Noyabr 2024 05:45

ABŞ-ın yeni seçilmiş prezidenti Donald Trampın keçid komandası vəzifəyə başladıqdan sonra onun müşaviri Susan Vilesin Ağ Evin aparat rəhbəri vəzifəsinə təyin olunacağını elan edib.

Publika.az xəbər verir ki, bu barədə TASS məlumat yayıb.

“Susan güclü, ağıllı, yenilikçi, heyranedici və hörmətlidir. O, ABŞ tarixində Ağ Ev aparatına rəhbərlik edən ilk qadın olacaq”, - deyə onun tərəfdaşları Trampın seçimini şərh ediblər.

Qeyd olunur ki, Susan Tramp komandasının tərkibində 2016, 2020 və 2024-cü il seçki kampaniyalarında fəal iştirak edib.

Xatırladaq ki, ABŞ-da prezident seçkiləri noyabrın 5-də keçirilib. Bu vəzifə üçün Demokratlar Partiyasının namizədi Kamala Harris və Respublikaçılar Partiyasının nümayəndəsi Donald Tramp mübarizə aparıb. Qələbə qazanmaq üçün siyasətçilərdən biri ən azı 270 seçici səsini toplamalı idi. Tramp seçkilərdə 295 səs toplayıb.

ABŞ-ın 47-ci prezidentinin andiçmə mərasimi 2025-ci il yanvarın 20- də baş tutacaq.

Hüseyn İbadlı