Tramp Baydenin oğlunu əfv etmək qərarını PİSLƏDİ

"Co Baydenin oğlu Hunteri əfv etmək qərarını açıq-aşkar sui-istifadənin və ədalətin pozulmasının bariz nümunəsidir".

Publika.az xəbər verir ki, bunu ABŞ-ın yeni seçilmiş prezidenti Donald Tramp "Truth Social" sosial şəbəkəsindəki səhifəsində yazıb.

Tramp, 6 yanvar 2021-ci il tarixdə illərlə həbsdə olan Kapitol hücumlarına istinad edərək, 6 yanvarda “girovlar” adlandırdığı şəxslərin adlarının əfv siyahısına daxil olub-olmadığınına dair Baydenə sual ünvanlayıb.

Tramp və tərəfdarları hesab edir ki, hücumda iştirak edənlərin çoxu ədalətsiz təqibin qurbanı olub və onları siyasi məhbus hesab edirlər.

Xatırladaq ki, dekabrın 2-nə keçən gecə məlum olub ki, Co Bayden əvvəllər qanunsuz silah saxlamaqda və vergi qanunlarını pozmaqda ittiham olunan oğlunun əfv edilməsi haqqında fərman imzalayıb. Amerika lideri açıqlamasında prezidentlik müddətinin əvvəlindən Ədliyyə Departamentinin işinə qarışmadığını, ancaq oğlunun mühakimə olunmasını seçmə və siyasi motivli hesab etdiyini vurğulayıb. Bayden, mühakiməni "ədalətin pozulması" kimi xarakterizə edərək, bunun ailə bağları və rəqiblərinin təzyiqindən təsirləndiyini iddia edib.

Hüseyn İbadlı