ABŞ

ABŞ elan etdi: "F-35"lər bu ölkəyə yerləşdiriləcək

2 Dekabr 2024 16:06

ABŞ ordusu Çin təhlükəsinə qarşı çıxmaq üçün 2026-cı ilin yazında yeni nəsil “F-35A” döyüş təyyarələrini Yaponiyaya yerləşdirəcək.

Publika.az xəbər verir ki, Çinin Hind-Sakit okean regionunda artan nüfuzu qarşısında ABŞ Şərqi Asiyadakı müttəfiqi Yaponiyanın hərbi aktivlərini modernləşdirir.

"Kyodo" agentliyinin dövlət mənbələrinə əsaslanaraq verdiyi xəbərə görə, ABŞ ordusu 2026-cı ilin yazında Yaponiyanın “Misawa” aviabazasına “F-35A” döyüş təyyarələri yerləşdirəcək.

Hərbi aviasiya vasitələrinin yerləşdirilməsi çərçivəsində aviabazada dəstək qurğuları, o cümlədən anqarlar da yenilənəcək.

ABŞ Müdafiə Nazirliyi iyul ayında “Misawa” hava bazasında çıxması planlaşdırılan 36 “F-16” döyüş təyyarəsini 48 “F-35A”nın əvəzləyəcəyini açıqlayıb.

Sakit okeandan 4,8 kilometr aralıda yerləşən bazadan Yaponiya Hava Özünümüdafiə Qüvvələri (ASDF) və ABŞ ordusu birgə istifadə edir.

Aysel Şahmar