ABŞ

Tramp ABŞ-da yalnız iki cinsi tanıyacağına SÖZ VERDİ

23 Dekabr 2024 00:45

"ABŞ hökuməti ölkədə yalnız iki cinsi tanıyan siyasət həyata keçirəcək".

Publika.az xəbər verir ki, bu barədə ABŞ-ın yeni seçilmiş prezidenti Donald Trampın bəyanatında deyilir.

O, Arizonada ABŞ-ın “Turning Point” konfransında çıxış edərək qeyd edib ki, onun administrasiyası altında yalnız iki cinsin - kişi və qadın olması ilə bağlı rəsmi siyasət olacaq. Tramp qeyd edib ki, onun sözləri o qədər də çətin səslənmir.

Konfrans iştirakçıları seçilmiş prezidentin sözlərini alqışlarla qarşılayıblar.

Noyabrın 25-də Trampın ölkənin silahlı qüvvələrindən bütün transseksual hərbçilərin işdən çıxarılmasına səbəb olacaq fərman verəcəyi bildirilib.

Noyabrın 14-də "SpaceX"in baş direktoru Elon Mask uşaqlarda cinsiyyət dəyişdirmə əməliyyatı edən həkimlərin ömürlük həbsi ideyasını dəstəkləyib.

Hüseyn İbadlı