ABŞ

Əfqanıstanla ABŞ arasında kritik razılaşma: Ömürlük məhbus azad edildi, əvəzində...

21 Yanvar 2025 16:11

Əfqanıstan və ABŞ arasında məhbus mübadiləsi baş verib. ABŞ-da saxlanılan bir əfqan vətəndaşının müqabilində iki Amerika vətəndaşı Əfqanıstanda azad edilib.

Publika.az xəbər verir ki, bununla bağlı Əfqanıstan Xarici İşlər Nazirliyindən açıqlama verilib.

Təxminən 20 il əvvəl Əfqanıstanın Nanqarhar əyalətində həbs edilən və ABŞ-a ekstradisiya edildikdən sonra ömürlük həbs cəzasına məhkum edilən Əfqanıstan vətəndaşı Xan Məhəmmədin azadlığa buraxıldığı bildirilib.

Əfqanıstan hökumətinin sözçüsü Zabihullah Mücahid bildirib ki, Kaliforniya həbsxanasında saxlanılan Məhəmmədin azadlığa buraxılması müqabilində 2 ABŞ vətəndaşı azad edilib.

Əfqanıstan administrasiyası azad edilən ABŞ vətəndaşlarının kimliyini açıqlamasa da, ABŞ mediası sərbəst buraxılan 42 yaşlı Ryan Corbett və 69 yaşlı Villiam Vallase McKentynin ölkələrinə qayıtmaq üçün yola düşdüyünü bildirib.

Aysel Şahmar