ABŞ

TELEFONLAR SUSMUR - Rubio hücumdan sonra Lavrova nə deyib?

16 Mart 2025 05:45

ABŞ dövlət katibi Marko Rubio ilə Rusiyanın xarici işlər naziri Sergey Lavrov arasında telefon danışığı olub.

Publika.az bu barədə ABŞ Dövlət Departamentinə istinadla xəbər verir.

Qeyd edilib ki, Rubio və Lavrov Səudiyyə Ərəbistanında keçirdikləri son görüşlərdən sonra gələcək addımları müzakirə edib və ABŞ və Rusiya arasında əlaqələrin bərpası üçün işi davam etdirmək barədə razılığa gəliblər.

Dövlət katibi həmçinin Rusiya Xarici İşlər Nazirliyinin rəhbərinə ABŞ-ın Yəməndə husilərə qarşı hərbi əməliyyatı barədə məlumat verib.

Martın 15-də Rubio mətbuat konfransı zamanı Rusiya Prezidenti Vladimir Putinə etimad məsələsini rədd edib.

Martın 10-da ABŞ Prezidenti Donald Tramp “The Washington Post” qəzetinin jurnalistinin Rusiya Silahlı Qüvvələrinin Ukraynaya endirdiyi zərbələrin Putinin Ağ Ev rəhbərinə hörmətsizliyini nümayiş etdirdiyini bildirən sözləri ilə razılaşmayıb.

Hüseyn İbadlı