Tramp hər kəsin gözlədiyi MƏLUMATI AÇIQLADI - “Bir neçə həftəyə...”

ABŞ administrasiyası bir neçə həftə ərzində 35-ci prezident Con Kennedinin qətli ilə bağlı daha bir material arxivini məxfilikdən çıxaracaq və yayımlayacaq.

Publika.az xəbər verir ki, bunu ABŞ Prezidenti Donald Tramp “Full Measure” proqramına müsahibəsində deyib.

O xatırladıb ki, ilk prezidentlik dövründə o, artıq bəzi materialların məxfiliyini ləğv edib. Onun sözlərinə görə, o vaxtdan bəri Kennedinin ölümü ilə bağlı daha 2000 sənəd aşkarlanıb.

Tramp qeyd edib ki, arxiv “bir neçə həftəyə” açıqlanacaq.

Fevral ayında "Axios" portalı yazmışdı ki, ABŞ Federal Təhqiqatlar Bürosu (FTB) ABŞ-ın 35-ci prezidentinin qətli ilə bağlı daha 2400 sənəd aşkarlayıb. Qeyd olunub ki, FTB ümumilikdə 14 min səhifəlik məxfi sənədlər aşkarlayıb. Onların məzmunu açıqlanmır.

Yanvarın 24-də Tramp prezident Kennedinin öldürülməsi ilə bağlı sənədlərin məxfiliyinin açılması haqqında sərəncam imzalayıb. Bundan əlavə, Amerika lideri senator Robert F. Kennedinin və möhtərəm Doktor Martin Lüter Kinqin qətlləri barədə məlumatları gizli saxlamağı tapşırıb.

Amerika mediası yazır ki, 1963-cü ildə baş vermiş Con Kennedinin qətli ilə bağlı CIA sənədlərinin 95%-i indi açıqlanıb.

Hüseyn İbadlı