Si Cinpin ABŞ-ı belə aldadıb: Trampdan İTTİHAM

Çin lideri Si Cinpinin Cənub-Şərqi Asiya turu, ehtimal ki, Birləşmiş Ştatları “qızışdırmaq” məqsədi daşıyırdı, çünki Çin lideri tariflərdən ən çox zərər çəkmiş bəzi Asiya ölkələrinə beş günlük tura başladı.

Publika.az xəbər verir ki, bu barədə Prezident Donald Tramp bildirib.

Bildirilir ki, Si Cinpin bazar ertəsi Hanoyada Vyetnamın yüksək səviyyəli liderləri ilə görüşüb, ticarət əlaqələrini gücləndirməyə çağırıb və təchizat zəncirlərinin yaxşılaşdırılması da daxil olmaqla onlarla əməkdaşlıq müqaviləsi imzalayıb.

Oval Ofisdən görüşü şərh edən Tramp deyib ki, Vyetnamdakı müzakirələr ABŞ-a qarşı pis niyyəti olmasa da, ABŞ-a necə zərər vuracağına yönəlib.

“Mən Çini, Vyetnamı günahlandırmıram. Bu, əla görüşdür. Deyəsən, biz "Amerika Birləşmiş Ştatlarını necə aldadaq?" sualını həll etmək üçün görüşüblər", - deyə Tramp Ağ Evdə jurnalistlərə bildirib.

Qeyd edək ki, Amerika Birləşmiş Ştatları Vyetnamın əsas ixrac bazarı hesab olunur, ayaqqabı, geyim və elektronikadan tutmuş hər şeyin əsas mənbəyidir.

Bu ilin ilk üç ayında Hanoy Pekindən təxminən 30 milyard dollar dəyərində mal idxal edib, Vaşinqtona ixracı isə 31,4 milyard dollar təşkil edib.

Çin və Vyetnam dövlət mediası bazar ertəsi iki ölkə arasında dəmir yolu əlaqələri də daxil olmaqla 45 müqavilənin imzalandığını bildirib, lakin detallar açıqlanmayıb. ABŞ maliyyə naziri Skot Bessent "Bloomberg TV"də dünyanın ən böyük iqtisadiyyatlarının parçalanmasının mümkünlüyü ilə bağlı sualı cavablandırarkən, "Bir anda görüləsi çox iş var" deyib.

Adəm