ABŞ İsrail-İran savaşına qoşulur: Hazırlığa start verildi

Birləşmiş Ştatların havada yanacaq dolduran təyyarələri İran və İsrail arasında döyüşlərdə iştirak etmək ehtimalı ilə ABŞ bazalarını kütləvi şəkildə tərk edir.

Publika.az xəbər verir ki, bu barədə "Military Watch Magazine" (MWM) məlumat yayıb.

"ABŞ Hərbi Hava Qüvvələri Amerika materikindəki bazalardan KC-135 və KC-46 hava tankerlərinin Atlantik okeanı boyunca yerləşdirilməsini həyata keçirib və bu, təyyarənin davam edən İsrail-İran müharibəsində xidmət üçün nəzərdə tutula biləcəyi ilə bağlı ciddi fərziyyələr yaradıb", - məlumatda deyilir.

Nəşr qeyd edib ki, ABŞ Vaşinqtonun münaqişənin daha fəal iştirakçısına çevriləcəyi halda, Hərbi Hava Qüvvələri və Hərbi Dəniz Qüvvələrinin qırıcı və bombardmançılarını yanacaqla təmin etmək üçün təyyarələrini yenidən yerləşdirib. Digər versiyaya görə, təyyarələr İsrail qüvvələrinə yanacaq doldurmaq üçün Yaxın Şərqə göndərilib.

Jurnalın məlumatına görə, köçürülən təyyarələrin sayı artıq 30-u keçib, lakin onların sayı artmaqda davam edir.

Adəm