ABŞ gözəlindən Konqres üzvünə İTTİHAM: Məni porno görüntülərimi yaymaqla hədələyir

"Miss ABŞ"ın qalibi Lindsi Lenqston ABŞ Konqresinin Nümayəndələr Palatasının Respublikaçılar Partiyasından olan üzvü Kori Millsi onu şantaj etməkdə, münasibətləri bitdikdən sonra intim video və fotoları yaymaqla hədələməkdə ittiham edib.

Publika.az xəbər verir ki, bu barədə "New York Post" qəzeti məlumat yayıb.

Bildirilir ki, 25 yaşlı Lenqston iyulun 14-də Florida ştatının Kolumbiya qraflığına gedib və Millsin onu başqa kişilərlə görüşməyə başlayacağı halda intim münasibətləri zamanı qeydə alınmış videoları yaymaqla hədələdiyini iddia edib.

“2025-ci il fevralın 20-dən başlayaraq Kori dəfələrlə müxtəlif hesablardan Lindsi ilə əlaqə saxlayıb, onun intim fotolarını və videolarını, o cümlədən cinsi hərəkətlərinin qeydlərini dərc etməklə hədələyib”, - deyə məlumatda qeyd olunur.

Lenqston bildirib ki, Mills onun yeni romantik münasibətdə olduğunu öyrəndikdən sonra təhdidlər artıb. O, müstəntiqləri mətn mesajları və sosial media danışıqları ilə təmin edib.

Lenqstonun keçmiş vəkili və Millsin 2022-ci il ilkin seçkilərindəki siyasi rəqibi Entoni Sabatini bəzi mesajları "X" sosial şəbəkəsində yerləşdirərək qeyd edib ki, konqresmenin hərəkətləri ştatın cinsi qəsb qanununa, ikinci dərəcəli cinayətə aid edilə bilər.

Adəm