ABŞ İran yeni sanksiyalarla VURDU - “Qara siyahı”da yeni adlar var

ABŞ Maliyyə Nazirliyi İrana qarşı sanksiyalar siyahısını genişləndirib.

Publika.az xəbər verir ki, qurumun rəsmi saytında yer alan məlumata görə, yeni məhdudiyyətlər həm fiziki, həm də hüquqi şəxsləri əhatə edir.

Sanksiya siyahısına səkkiz İran vətəndaşı, həmçinin İran, BƏƏ və Türkiyədə fəaliyyət göstərən dörd şirkət daxil edilib: "Chabok FZCO" (həmçinin "Chabok Aviation" kimi tanınır), "Emti Fiber Textile Import Export Trade Limited", "Saman Air Services" və "Sepehr Kaveh Kish International Trading Company".

Bundan əlavə, İranın "Mahan Air" aviaşirkətinə məxsus iki ədəd “Boeing 777-200ER” təyyarəsi də "qara siyahı"ya salınıb.

Bu addım aprelin 22-si, çərşənbə günü səhər saatlarında İslamabadda keçirilməsi planlaşdırılan ABŞ-İran danışıqlarının ikinci raundu ərəfəsində atılıb. Danışıqlarda iştirak edən tərəflər görüş ətrafındakı vəziyyəti, xüsusilə ABŞ tərəfinin ziddiyyətli şərhləri və Prezident Trampın sosial şəbəkələrdəki hədələri səbəbindən "qeyri-stabil" kimi xarakterizə edirlər.

Hüseyn İbadlı