Məşhur filmin çəkildiyi malikanə rekord qiymətə satılır - Eks-prezidentin qış iqamətgahı olub

Məşhur "Çapıqlı üz" (Scarface) filminin çəkildiyi dəbdəbəli malikanə rekord qiymətə - 237 milyon dollara satışa çıxarılıb.

Publika.az xəbər verir ki, bu barədə "The Wall Street Journal" məlumat yayıb.

Florida ştatında yerləşən bu mülk həm kino tarixi, həm də keçmiş sahibləri ilə diqqət çəkir.

9,6 min kvadratmetrdən çox sahəsi olan evdə orijinal mərmər döşəmələr, 7 metrlik tavanlar və piano formasında hovuz var. 1983-cü ildə çəkilən filmdə Mişel Pfayfferin canlandırdığı obrazın Al Paçinonun qarşısına düşdüyü məşhur şüşə lift də hələ də malikanədə qalmaqdadır.

Evin tarixi real hadisələrlə də zəngindir. 1981-ci ildə narkokartellərlə əlaqəsi olan bir pilot tərəfindən tikilən bu bina, 70-ci illərdə ABŞ Prezidenti Riçard Niksonun qış iqamətgahı kimi istifadə olunub. Hətta mülkün ərazisində prezident üçün nəzərdə tutulmuş xüsusi helikopter meydançası da mövcuddur.

Ekspertlər bildirirlər ki, bu satış baş tutarsa, Mark Sukerberqin bu yaxınlarda aldığı 170 milyon dollarlıq malikanəni geridə qoyaraq daşınmaz əmlak bazarında yeni rekordlardan biri olacaq.

Hüseyn İbadlı