Növbədə odur – Tramp bezib, tezliklə qovacaq

Federal Təhqiqat Bürosunun (FTB) direktoru Keş Patel tezliklə vəzifəsindən ayrıla bilər.

Publika.az xəbər verir ki, bu barədə "Politico" qəzeti rəsmi şəxsə istinadən məlumat yayıb.

Nəşrin mənbəsi bildirib ki, "Bu, sadəcə zaman məsələsidir".

Rəsmi şəxsin sözlərinə görə, Patelin işdən çıxarılmasının əsas səbəblərindən biri onun haqqında çoxlu sayda mənfi xəbərlərin olmasıdır. Rəsmi şəxs qeyd edib ki, bu cür materiallar "kabinet nazirini yaxşı göstərmir" və ABŞ prezidenti Donald Tramp kəşfiyyat agentliyi direktoru ilə bağlı qalmaqalların daim diqqəti yayındırmasından bezib.

Departamentin özü Patelin gələcəyi ilə bağlı məlumatlara şərh verməkdən imtina edib.

Ağ Evin mətbuat katibi Kerolin Livitt bir gün əvvəl bildirib ki, ABŞ prezidenti FTB direktorunun alkoqol problemləri ilə bağlı mediada yayılan xəbərlərə baxmayaraq, ona etibar etməyə davam edir. O, həmçinin qeyd edib ki, Patelin də daxil olduğu komandanın səyləri sayəsində ABŞ qətl nisbətlərində son 125 ildə ən aşağı səviyyəyə çatıb.

Müəllif: Tural