ABŞ-da bu uşaqlarla bağlı qərar: Təcili ölkədən çıxarılırlar

ABŞ hakimiyyəti ölkədə nəzarət altında saxlanılan miqrant uşaqların deportasiya prosesini sürətləndirmək üçün mübahisəli addımlar atmağa başlayıb.

Publika.az xəbər verir ki, bu barədə CNN telekanalı rəsmi şəxslərə və vəkillərə istinadən məlumat yayıb.

Bildirilir ki, rəsmi Vaşinqton uşaqların taleyinin həll olunduğu məhkəmə iclaslarını daha erkən tarixlərə çəkir. Bəzi hallarda məhkəmə vaxtı həftələr, hətta aylar öncəyə çəkilir. Bu isə vəkillərin müdafiə planı hazırlamaq üçün vaxtını kəskin şəkildə məhdudlaşdırır.

Vəziyyəti daha da pisləşdirən məqam odur ki, azyaşlı miqrantlar qısa müddət ərzində dəfələrlə məhkəmə qarşısına çıxıb hesabat verməyə məcbur edilirlər. Çox vaxt uşaqlar müdafiəçi olmadan, təkbaşına hakim qarşısına çıxmalı olurlar.

Hüquq müdafiəçiləri bildirirlər ki, bu proses uşaqlar üçün dözülməz stress mənbəyinə çevrilib. Tez-tez keçirilən məhkəmələr və deportasiya qorxusu uşaqları daimi təşviş və ağır psixoloji vəziyyətdə saxlayır.

Müəllif: Adəm