ABŞ

ABŞ "Epik Qəzəb" əməliyyatının başa çatdığını elan etdi

6 May 2026 02:12

İranda keçirilən “Epik Qəzəb” hərbi əməliyyatının məqsədlərinə nail olunub.

Publika.az xəbər verir ki, bu barədə Ağ Evdə keçirilən brifinq zamanı ABŞ dövlət katibi Marko Rubio məlumat verib.

Biz bu əməliyyatın məqsədlərinə çatdıq. İndi isə “Azadlıq Layihəsi” əməliyyatına başlamışıq, - deyə o bildirib.

Bir neçə gün əvvəl ABŞ Prezidenti Donald Tramp ölkə konqresinin liderlərinə ünvanladığı məktublarda İrana qarşı düşmənçilik fəaliyyətlərinin dayandırılması barədə məlumat verib.

Bundan əvvəl Senatdakı Demokratlar Partiyasının nümayəndəsi Riçard Blümental yaxın gələcəkdə ABŞ-ın İrana zərbə endirmə ehtimalı barədə bəyanat vermişdi. Onun fikrincə, belə bir perspektiv olduqca narahatlıq doğurur, çünki Amerika vətəndaşlarının həyatını riskə ata və əhəmiyyətli insan itkilərinə səbəb ola bilər.

Hüseyn İbadlı