Bir vaxtlar nəhəng sərvəti var idi, indi isə... - Məşhur milyarderin acınacaqlı sonu

Dünyanın ən sürətlə böyüyən telekommunikasiya nəhəngi "Global Crossing"in qurucusu Qeri Uinnikin ailəsi hazırda böyük böhranla üz-üzədir. Bir vaxtlar Los-Ancelesin ən varlı adamı hesab olunan milyarderin ölümündən sonra geriyə yalnız külli miqdarda borc qaldığı məlum olub.

Publika.az xəbər verir ki, bu barədə "The Wall Street Journal" məlumat yayıb.

1990-cı illərdə internet bumundan istifadə edən Uinnik, sualtı kabel şəbəkəsi vasitəsilə rəqəmsal dünyanı idarə etmək ideyası ilə nəhəng sərvət qazanmışdı. Onun zənginliyi o dərəcədə idi ki, 1999-cu ildə mətbuat onun haqqında belə yazırdı: "O, o qədər varlıdır ki, səhmlərini hədiyyə etdiyi xidmətçisi belə artıq milyonçudur".

ABŞ-ın ən bahalı mülklərindən birinə sahib olan iş adamının vəziyyəti internet şirkətlərinin çöküşü ilə pisləşməyə başlayıb. Məlumata görə, Uinnikin ölümündən sonra üzə çıxan milyardlarla dollarlıq borclar səbəbindən ailəsi bütün əmlakını, o cümlədən dəbdəbəli evlərini itirmək təhlükəsi ilə qarşılaşıb.

Müəllif: Adəm