ABŞ bu ölkəyə qoşun yeridir

ABŞ, Texas ştatındakı Birinci Süvari Diviziyasının bölmələrini Polşaya köçürür.

Publika.az xəbər verir ki, bu barədə Polşa Milli Təhlükəsizlik Bürosunun (BBN) direktoru Bartoş Qrodetski məlumat verib.

Qeyd olunub ki, Polşadakı Amerika qoşunlarının sayındakı mövcud dəyişiklik Texasın Fort-Huda bazasında yerləşən Birinci Süvari Diviziyasının həyata keçirdiyi rotasiya prosesi ilə bağlıdır. Fort-Hudadan Polşaya planlaşdırılan qoşun sayının 20%-dən çoxu, həmçinin hərbi texnikanın təxminən 70%-i göndərilib.

Bir neçə gün əvvəl isə "The Wall Street Journal" (WSJ) qəzeti ABŞ-ın Polşaya zirehli tank briqadasının göndərilməsini qəfildən dayandırmaq qərarına gəldiyini yazmışdı. Nəşr bunu Amerikanın Avropadakı hərbi mövcudluğunu azaltmaq addımlarından biri kimi qiymətləndirmişdi.

Bununla belə, Polşanın müdafiə naziri Vladislav Kosinyak-Kamış bəyan edib ki, amerikalıların bu addımının Varşavaya aidiyyəti yoxdur və bu, sadəcə olaraq ABŞ Silahlı Qüvvələrinin Avropadakı mövcudluğunda əvvəllər elan edilmiş dəyişikliklərlə bağlıdır.

Hüseyn İbadlı