Qolf klubunda KRİTİK TOPLANTI - İrana zərbə endirmək üçün planlar hazırlandı

ABŞ Prezidenti Donald Trampın Yaxın Şərqdə hərbi əməliyyatları davam etdirmək qərarı verəcəyi təqdirdə, Pentaqon İrana zərbələr endirmək üçün planlar hazırlayıb.

Publika.az xəbər verir ki, bu barədə "CNN" telekanalı məlumat yayıb.

Qeyd edilib ki, hücum hədəfləri arasında İranın energetika və infrastruktur obyektləri də var.

Planlar həftəsonu milli təhlükəsizlik komandası ilə keçirilən iclasın yekunlarına əsasən hazırlanıb. Tramp rəsmi şəxslərlə Virciniya ştatındakı qolf klubunda bir araya gəlib.

İclasda dövlət katibi Marko Rubio, vitse-prezident Cey Di Vens, Mərkəzi Kəşfiyyat İdarəsinin (MKİ) rəhbəri Con Retkliff və Amerika liderinin xüsusi elçisi Stiv Uitkoff iştirak ediblər.

Daha əvvəl "Axios" portalı məlumat vermişdi ki, Tramp çərşənbə axşamı milli təhlükəsizlik komandası ilə daha bir iclas keçirəcək və orada İranda hərbi əməliyyatların variantlarını müzakirə edəcək.

ABŞ Prezidenti həmçinin bəyan edib ki, İran tərəfi mümkün qədər tez qərar qəbul etməlidir, əks halda ölkədən heç nə qalmayacaq.

Hüseyn İbadlı