ABŞ-ın İran müharibəsindəki itkiləri açıqlandı: 42 təyyarə, 7 tanker...

Konqres Tədqiqat Xidmətinin (CRS) hesabatına görə, ABŞ Hərbi Hava Qüvvələri İranla münaqişə zamanı ümumilikdə 42 təyyarə itirib.

Publika.az xəbər verir ki, hesabata görə, ən böyük itkilər pilotsuz təyyarələrə dəyib: 24 ədəd “MQ-9 Reaper” hücum və kəşfiyyat PUA-sı, eləcə də bir ədəd “MQ-4C Triton” kəşfiyyat dronu məhv edilib.

Hərbi Hava Qüvvələrinin tanker donanmasına ciddi ziyan dəyib. Hesabata görə, Hərbi Hava Qüvvələri yeddi “KC-135 Stratotanker” hava tankerini itirib. Biri İraqda qəzaya uğrayıb, daha beşi isə Səudiyyə Ərəbistanında İranın hücumu zamanı zədələnib.

İtirilən döyüş təyyarələri arasında dörd “F-15E Strike Eagle” qırıcı-bombardmançı təyyarəsi və bir “A-10 Thunderbolt II” hücum təyyarəsi var. CRS-in məlumatına görə, üç F-15E təyyarəsi Küveyt üzərində səhv atəş nəticəsində, digəri isə İran hava hücumundan müdafiə sistemləri tərəfindən vurulub.

Axtarış-xilasetmə əməliyyatları zamanı ABŞ ordusu yerdəki iki MC-130J Commando II xüsusi əməliyyat təyyarəsini qəsdən məhv edib. “HH-60W Jolly Green II” helikopteri də zədələnib.

Hesabatda həmçinin “E-3 Sentry” havadan erkən xəbərdarlıq təyyarəsinə və ən son beşinci nəsil “F-35A Lightning II” qırıcı təyyarəsinə dəyən ziyandan bəhs olunur.

Müəllif: Tural