Nyu-Yorkda dəhşətli partlayış - Ölən və çoxlu sayda yaralı var

Nyu-York Yanğın Departamentinin təcili tibbi yardım üzrə rəhbər müavini İan Svords hadisə nəticəsində ölüm halının qeydə alındığını açıqlayıb.

Publika.az xəbər verir ki, onun sözlərinə görə, hadisə nəticəsində bir mülki şəxs həyatını itirib, 34 yanğınsöndürən və xilasedici xəstəxanaya yerləşdirilib.

Ölü sayının artacağı istisna edilmir.

Nyu-York meri Zohran Mamdani gecə saatlarında açıqlama yayaraq yanğının nəzarət altına alındığını bildirib.

O, həyatını itirən şəxsin ailəsinə başsağlığı verib və yaralananların tezliklə sağalmasını arzulayıb.

***

ABŞ-ın Nyu-York şəhərinin gəmiqayırma zavodunda yanğın və partlayış baş verib.

Publika.az xəbər verir ki, Staten-Aylend dairəsindəki gəmiqayırma zavodundakı yanğın 50 dəqiqədən çox davam edib, sonra partlayış olub.

İlkin məlumata görə, on altı nəfər xəsarət alıb, onlardan üçünün vəziyyəti ağırdır. Yaralılar xəstəxanaya yerləşdirilib.

Xəsarət alanlar arasında 13 yanğınsöndürən, təcili tibbi yardımın iki işçisi və ətrafdan keçən bir nəfər var.

Hadisənin səsəbləri araşdırılır.