ABŞ İran aktivləri ilə bağlı plan qurdu

ABŞ İranın dondurulmuş aktivlərini Fars körfəzi ölkələrindəki müttəfiqlərinə təqdim edəcək.

Publika.az xəbər verir ki, bu barədə "The Times of Israel" (ToI) mənbəyə istinadən məlumat yayıb.

Məlumata görə, İslam Respublikasının vəsaitləri həmin ölkələrin bərpasına və Tehranın gələcəkdə vura biləcəyi zərərin aradan qaldırılmasına yönəldiləcək. ABŞ-ın maliyyə naziri Skott Bessent artıq İranın Fars körfəzi dövlətlərinə nə qədər ziyan vurduğunun qiymətləndirilməsi barədə göstəriş verib.

Fevralın 28-də səhər saatlarında ABŞ və İsrail İrana qarşı hərbi əməliyyata başlayıb. Amerika prezidenti xalqa müraciətində İrana endirilən zərbələri Tehranın nüvə ambisiyalarından imtina etmək istəməməsi və "səbrin tükənməsi" ilə izah edib. İslam Respublikasının bir çox şəhərləri, o cümlədən paytaxtı hücuma məruz qalıb. Zərbələrdən biri ali rəhbər Əli Xameneinin iqamətgahına düşüb və o, həlak olub. Buna cavab olaraq İran İsrailə və Yaxın Şərqdəki Amerika aviabazalarına raket və dron zərbələri endirib.

Hüseyn İbadlı