ABŞ

Netanyahuya zəng edib, bunu istəyəcəyəm - Trampdan İranla bağlı açıqlama

8 İyun 2026 02:44

İranın raket atəşi nəticəsində heç kim xəsarət almayıb. Ümid edirəm ki, İsrail buna cavab verməyəcək.

Publika.az xəbər verir ki, bunu ABŞ Prezidenti Donald Tramp “Axios” nəşrinə müsahibəsində bildirib.

O qeyd edib ki, əgər Benyamin Netanyahu cavab hücumu həyata keçirsə, bu, uzunmüddətli qarşıdurmaya səbəb ola bilər.

“İranla yekun razılaşmaya çox yaxınıq. Bu, yaxşı bir razılaşma olacaq. Hazırda baş verənlərə görə həmin razılaşmanın pozulmasını istəmirəm. İndi Benyamin Netanyahuya zəng edib, İrana cavab verməməsini istəyəcəyəm. Hər iki tərəf artıq öz addımını atıb. Həm İsrail, həm də İran zərbə endirib. Yeni bir zərbəyə ehtiyac yoxdur”, – deyə ABŞ Prezidenti əlavə edib.

Tramp vurğulayıb ki, İsrail hücuma cavab verərsə, onda son 47 il və ya 3000 ildir baş verənlər davam edəcək.

Qeyd edək ki, İran atəşkəsdən sonra ilk dəfə İsrailə raket hücumu həyata keçirib.