Trampın İran siyasəti ABŞ-ı çıxılmaz vəziyyətə salıb - Vaşinqtonda müzakirə

ABŞ prezidenti Donald Trampın İrana qarşı siyasəti Vaşinqtonu çıxılmaz vəziyyətə salıb.

Publika.az xəbər verir ki, bu barədə “The New York Times” nəşri yazıb.

Məqalədə qeyd olunur ki, Tramp siyasi fəaliyyəti boyunca güc nümayiş etdirməyə və proseslərə tam nəzarət etməyə üstünlük versə də, Yaxın Şərqdə üzləşdiyi uzunmüddətli böhran onun planlarını reallaşdırmasına mane olur.

ABŞ Dövlət Departamentinin sabiq əməkdaşı Aaron Devid Miller bildirib ki, Tramp münaqişəni öz təşəbbüsü ilə dərinləşdirib, lakin ABŞ ordusunun imkanlarını həddindən artıq qiymətləndirərək İranın potensialını lazımınca nəzərə almayıb.

“Tramp ABŞ hərbi gücünün imkanlarını şişirtdi, İranın potensialını isə kiçik hesab etdi. Nəticədə prezidentin hazırda çıxış yolu tapmaqda çətinlik çəkdiyi qapalı bir vəziyyət yaranıb”, - deyə Miller vurğulayıb.

ABŞ ordusunun keçmiş zabiti və hərbi analitik də Vaşinqtonun dünyanın ən güclü ordusuna malik olduğunu göstərdiyini, lakin bu gücün də müəyyən sərhədlərinin olduğunu bildirib. Ekspert hesab edir ki, hazırkı ABŞ administrasiyası İranın imkanlarını düzgün qiymətləndirməyib.

Adəm