Nüvə məsələsi yenidən gündəmdə - Ağ Ev Tehrandan dəvət gözləyir

Amerika tərəfi Tehranla daha əvvəl ABŞ və İsrailin zərbələrinə məruz qalan nüvə obyektlərinə BMT müfəttişlərinin buraxılması məsələsini müzakirə etmək niyyətindədir.

Publika.az “Axios”a istinadla xəbər verir ki, Vaşinqtonun iyunun 21-də İsveçrənin Bürgenştok şəhərində keçirilməsi planlaşdırılan danışıqların ilk raundunun nəticələrinə əsasən, İrandan müvafiq dəvəti almağı gözlədiyi qeyd edilir.

Qarşıdan gələn görüşdə ABŞ və İran nümayəndə heyətləri, eləcə də vasitəçi ölkələrin — Pakistan və Qətərin nümayəndələri iştirak edəcəklər.

“Axios”un mənbələrinin bildirdiyinə görə, Vaşinqton BMT müfəttişlərinin nüvə obyektlərinə girişinə icazə verilməsi müqabilində İranın Qətərdə dondurulmuş altı milyard dollar daxil olmaqla, bir sıra aktivlərini sərbəst buraxmağa və onları humanitar ehtiyaclara yönəltməyə hazırdır.

İlkin olaraq ABŞ və İran arasında İsveçrədəki danışıqların iyunun 19-da baş tutması planlaşdırılırdı. Amerika nümayəndə heyətinə vitse-prezident Cey Di Vensin rəhbərlik etməsi gözlənilirdi, lakin o, səfərini ləğv edib.

Hüseyn İbadlı